KCM: AS KIGALI TUNAMALIZANA NAO BONGO JUMLAJUMLA

JACKSON  Mayanja Kocha Mkuu wa KMC amesema kuwa sare tasa waliyoipata mbele ya AS Kigali ya Rwanda itajibiwa kibabe Dar.

Jana KMC, ilitupa karata yake ya kwanza kwa kucheza na AS Kigali na ubao kusoma 0 kwa wenyeji AS Kigali pamoja na wageni KMC.

Mchezo wa marudio unatarajiwa kuwa kati ya Agosti 23-25 jiji Dar.

Akizungumza na Saleh Jembe, Mayanja amesema kuwa wachezaji walijituma kutafuta matokeo wamekutana na ushindani mkubwa hivyo wanajipanga mchezo ujao.

“Mchezo ulikuwa mgumu na kila mchezaji amefanya kile ambacho nimemuelekeza licha ya kutopata matokeo jambo jema ni kwamba hatujafungwa.

"Kwenye marudio tutapambana kupata matokeo chanya kwani tutakuwa nyumbani na sapoti kubwa ya mashabiki," amesema.

BADO MASHABIKI KUNA KAZI YA KUFANYA KWA TIMU YA TAIFA, WACHEZAJI KAZI BADO IPO

USHINDI ni matokeo ya juhudi na kujituma kwa wachezaji ambao wamepewa jukumu la kupeperusha Bendera ya Taifa kimataifa.

Timu ya Taifa ya Tanzania  ‘Taifa Stars’ imefikia hatua yake ya kwanza kwenye michuano ya Chan baada ya kupata ushindi mbele ya wapinzani wao wakubwa Kenya.

Haikuwa kazi rahisi kupenya hatua hii kwani mwanzo kwenye mchezo wa nyumbani hakuna ambaye alipata matokeo chanya hata mchezo wa marudio pia dakika tisini zilikamilika kwa timu zote kumaliza bila kufungana.

Ni dua za mashabiki na umakini wa wachezaji kutumia vema nafasi ya matuta kupata ushindi hatimaye wamepenya hatua ya kwanza kwenye michuano hii mikubwa.

Shukrani kubwa zinarudi kwa mashabiki ambao wapo bega kwa bega na timu licha ya kupitia changamoto za kutopata matokeo mchezo wa kwanza.

Mashabiki wamekuwa na timu kwa kuipa sapoti jambo ambalo limeongeza nguvu za kutosha kwa wachezaji kutimiza wajibu wao uwanjani.

Kitu cha msingi kwa wachezaji ilikuwa ni kutimiza majukumu yao uwanjani hicho ndicho wamekifanya na mashabiki wamekuwa wakiwapa sapoti wachezaji jambo ambalo limeongeza nguvu.

Ikumbukwe kuwa mashabiki wa timu ni muhimili kwa kupata matokeo kutokana na sapoti ambayo wanaitoa uwanjani.

Uwepo wao ni sawa na mchezaji wa 12 jambo ambalo linaongeza nguvu kwa wachezaji kupambana kwa ajili ya Taifa pia kuona ile shauku ya mashabiki inakatika.

Pongezi kubwa kwao licha ya wengi kushindwa kujitokeza nchini Kenya ila bado walikuwa wakiishi kwenye vichwa vya wachezaji pamoja na benchi la ufundi.

Kwenye mchezo wa kwanza ambao ulichezwa uwanja wa Taifa mashabiki wengi kutoka pande mbalimbali za Tanzania waliwasili uwanja wa Taifa kuipa sapoti timu ya Taifa.

Licha ya kushindwa kupata matokeo chanya bado mashabiki waliendelea kuungana na timu hiyo mazoezini mpaka siku inaondoka kwenda Kenya ni moyo wa upendo.

Serikali pia haijaiacha timu ya Taifa kwenye mazingira ya unyonge kwani wamekuwa nao bega kwa bega kupitia viongozi ambao wametoa sapoti kubwa.

Hili ni jambo la kujivunia kwa hapa ambapo tupo kwa sasa kuna kitu ambacho ,mashabiki wanapaswa waongeze ni kushangilia hata pale timu inapokosa matokeo.

Kasumba hii imekuwa ikiwasumbua mashabiki wengi kwani wamekuwa wakitazama ni muda gani wa kushangilia mpaka mchezaji apige chenga ama awe na mpira hapo watashangilia ila kama hakuna tukio basi kushangilia kunakoma.

Kuna umuhimu wa kuwa na mabadiliko makubwa kwa upande wa ushangiliaji kwa mashabiki wakati ujao ili kuendelea kupata matokeo hata wakati ule timu inapokuwa nyuma kwa kufungwa.

Shabiki yeye ni mchezaji wa 12 hivyo kama atakaa kimya anamaliza nguvu za mchezaji wa 11 ndio maana kuna timu ambazo zimekuwa zikipewa adhabu kwa kutoruhusu mashabiki kuingia uwanjani zimekuwa zikishindwa kupata matokeo chanya.

Muda wetu sasa kubadilika huku tuliko na kufanya mengine makubwa kwenye masuala ya ushangiliaji pamoja na kutoa sapoti kwa timu zetu.

Stars bado kazi inaendelea kwani mchezo unaofuata ni dhidi ya Sudan hapo ni lazima kupambana kwa juhudi kabla ya kumenyana na Rwanda ndipo kuibukia kwenye michuano ya Chan.

Kila kitu kinawezekana kwa kujipanga na kujiamini wakati wa kufikia mafanikio ambayo tumeyakosa kwa muda mrefu ni sasa mashabiki enedeleeni kutoa sapoti bila kuchoka.

Kwa kufanya hivyo kutaongeza msukukumo kwa wachezaji kucheza kwa juhudi na kutimiza majukumu yao kwa wakati.

ZAHERA AFICHUA KINACHOIMALIZA YANGA, APANIA KUPETA UGENINI

KOCHA Mkuu wa Yanga, Mwinyi Zahera amesema kuwa bado kikosi chake hakijawa na maelewano mazuri jambo ambalo liliwapa taabu kupata matokeo kwenye mchezo wao wa kwanza dhidi ya Township Rollers.

Yanga jana imelazimisha sare dhidi ya Township Rollers, mchezo uliochezwa uwanja wa Taifa kwa kufungana bao 1-1.

Mchezo wa marudiano wa kimataifa unatarajiwa kuchezwa  kati ya Agosti 23-25 nchini Botswana.

"Wachezaji wangu bado wanasumbuliwa na tatizo la kushindwa kuelewana wakiwa ndani ya uwanja jambo ambalo linaleta ugumu kwenye kupata matokeo uwanjani.

"Kwa sasa hesabu ni kuona kwamba tunakuwa na kikosi imara ambacho kitapata matokeo kwenye mchezo wetu wa marudio, mashabiki waendelee kutupa sapoti katika hili, nami nitafanyia kazi makosa yote," amesema

SIMBA WAIKOMALIA YANGA, WAIPA TANO KISHA KUICHANA KIMTINDO

UONGOZI wa Simba umesema kuwa Yanga wanastaihili pongezi ila wamewaangusha wananchi kwa kulazimisha sare ya kufungana bao 1-1 dhidi ya Township Rollers jana uwanja wa Taifa.

Ofisa Habari wa Simba, Haji Manara amesema kuwa, kazi kubwa ambayo Yanga walipaswa waifanye ni kupata matokeo chanya kwa kuwa walikuwa nyumbani.

"Hongereni Yanga kwa kupata sare ya nyumbani ila haijawa sawa kwa Wananchi kwa kuwa mlikuwa na sapoti ya mashabiki na imekuwa ngumu kuitumia.

"Raha ya mchezo wa nyumbani ni kuwa na mashabiki, hivyo tutawaonyesha namna ya kufanya kwenye mchezo wetu wa marudio," amesema. 

Simba jana ililazimisha sare tasa dhidi ya UD Songo ya Msumbiji mchezo wao marudio unatarajiwa kuwa kati ya Agosti 23-25 uwanja wa Taifa na Yanga nao watakuwa ugenini nchini Botswana.

HUU UDHAMINI WA KIBOKO, UIANYE NDANDA IANZE KUISHI MAISHA MAPYA

MSIMU uliopita, kikosi cha Ndanda FC kilinusurika kuteremka daraja hadi la kwanza “kimkandamkanda” kwa kuwa mambo yalikuwa mabaya kupita kiasi.

Licha ya kuwa kati ya timu zinazoonekana zinakwenda kuteremka daraja. Ndanda FC ndiyo ilikuwa timu ambayo imepoteza mwelekeo zaidi baada ya uongozi wake kuonekana umepotea njia.

Kibaya zaidi, wachezaji wake wengi nao walionekana wamepotea na wamekata tamaa na hata kufikia kulalamika kwenye vyombo vya habari.

Baadhi ya mambo waliyolalamika ni kukosa hata fedha kwa ajili ya mlo. Yaani walikuwa kambini na walikuwa wakishinda njaa, kitu ambacho ni kibaya zaidi cha mwisho unapozungumzia kundi la wanadamu.

Mnaweza kukosa jambo jingine lakini si chakula ambayo ni huduma namba moja kwa mwanadamu. Lakini wachezaji hao walisema nafuu yao ilikuwa ni mlo mmoja kwa siku, jambo ambalo si zuri hata kulisikia na sikuwahi kusikia kiongozi wa Ndanda FC akilikanusha.

 Waliokuwa wakilalamika ni kati ya wachezaji wakongwe kabisa wa Ndanda FC na hata watu wa benchi la ufundi. Hili halikuwa jambo zuri lakini hongera kwao kwa kuwa walijitutumua na mwisho Ndanda FC ikabaki Ligi Kuu Bara.

Baada ya hapo, nilitegemea kuona wanajipanga. Ingawa jambo hilo halikufanyika mapema sana kwa kuwa inaonyesha hata usajili wa Ndanda FC haukuwa ule unaoonyesha kuna mabadiliko makubwa.

Huenda uongozi haukuwa na fedha na mipango haikuwa bora kuhakikisha fedha nyingi zinapatikana. Lakini baada ya dirisha la usajili kufungwa, nimeona kuna Kampuni Motsun Group Ltd kupitia ya bidhaa yake ya mabati ya Kiboko imejitokeza kuidhamini Ndanda FC.

Ndanda FC wamepata udhamini wa mwaka mmoja kuitangaza Kiboko. Hawakusema kiasi gani lakini tayari wameongeza kitu mfukoni mwao ambacho kitawasaidia kuwa tofauti na awali.

Lakini lazima ukumbuke kuwa Ndanda FC wanaingiza fedha kupitia wadhamini wa Ligi Kuu Bara, Vodacom pia Azam TV ambazo zinaweza zisiwe nyingi sana lakini zinasaidia gharama kadhaa za uendeshaji tofauti na zamani.

Msimu uliopita pia walipokea fedha kutoka Vodacom na Azam TV lakini wakashindwa kusimama na kufanya vizuri. Ujio wa Kiboko ni jambo jingine bora wanalopaswa kulitumia kama chachu ya mabadiliko.

Ninaamini Kiboko wangeweza kutodhamini katika soka na kwenda kwingine kujitangaza. Uamuzi wao kuingia kwenye soka lazima wapate faida na mafanikio yao na ikiwezekana wanaongeza mkataba ni kuona Ndanda FC inafanya vizuri.

Ndanda FC wasifurahie fedha tu wanazopata, badala yake wanapaswa kujua kwamba wadhamini wao pia kuna jambo wanategemea kutoka kwao na wakifurahia zaidi basi wataweza kuendelea na udhamini na ikiwezekana kuongeza zaidi, hili ninaamini linaweza kutokea.

Lakini anayeweza kulifanya litokee, ni Ndanda wenyewe ukianza na viongozi na wachezaji pia. Wanaposaidia lazima wajue wana deni la kumtangaza mdhamini wakiwa na mafanikio na ikiwezekana suala la nidhamu linapaswa kuwa juu zaidi ukilinganisha na msimu uliopita.

Kesho kama Ndanda FC itateremka daraja, maana yake watakuwa pia wamemshusha mdhamini wao kwa maana ya kwamba hatakuwa na nafasi ya kuongeza mkataba tena. Lakini wakifanya vema na ikiwezekana kufikia angalau ule uwezo waliouonyesha Mbao FC ya Mwanza msimu uliopita, huenda hata wadhamini wenye donge nono wanaweza kujitokeza zaidi.

Ndanda FC mna deni kubwa la kuonyesha tofauti kwa kuwa mwanadamu bora ni yule anayejifunza kupitia makosa yake. Kama msimu unaoanza wiki chache zijazo utaendelea kuwa wa shida kwenu, basi lawama zibaki kwenu na mtaonyesha ni watu wa kubahatisha mambo.

Fanyeni vizuri ili muwe sehemu ya kuwashawishi wadhamini wengine kwamba hata timu ndogo zinaweza kudhaminiwa na kuwatangaza vizuri wadhamini.

Moto wa Bundesliga kuanza kuwaka leo, Rb Leizpg au Borussia Dortmund nani ataweza kumsimamisha Bayern Munich?

Xabi Alonso na Phillip Lahm walikuwa moja ya nguzo za mafanikio katika klabu ya Bayern Munich lakini msimu huu Bayern wanaingia bila wazoefu hao wawili ambao wametundika daluga.
Lakini bado Bayern wana matumaini kuchukua ubingwa kwa mara ya 6 mfululizo huku maingizo mapya haswa la James Rodriguez na Corentin Tolliso yakiwapa matumaini ya kutetea ubingwa wao na leo watakuwa dimbani kufungua ligi dhidi ya Bayern Leverkusen.
Msimu huu Borussia Dortmund wanaweza kuwa wapinzani wakubwa wa Bayern tofauti na ule uliopita ambapo klabu ya Rb Leizpg ndio walionekana kuitishia Bayern na kumaliza katika nafasi ya pili.
Lakini Dortmund wanaweza kuwa vizuri kama watafanikiwa kuwabakisha Osmane Dembele na Pierre Aubemayang ambao wako kwenye tishio la kuihama klabu hiyo katika dirisha hili la usajili na kocha wao mpya Peter Bosz anategemewa kuwa mhimili mpya BvB.
Rb Leizpg wamefanikiwa sana katika dirisha hili la usajili kubakisha nyota wao wakubwa Emil Forsberg na Naby Keita aliyekuwa akiwinda sana na Liverpool na hii inatoa tumaini kwa mashabiki wao.
Lakini Rb Leizpg watakuwa na Champions League hii inaweza kuwafanya wachoke na kiwatokee kilichowatokea klabu ya Leicester City msimu uliopita ambapo wingi wa michuano uliwafanya wapwaye sana.
Maingizo mapya ndani ya Rb Leizpg akiwemo mshambuliaji toka PSG Kevin Augustin na Bruma aliyesajiliwa toka Galatasaray inaweza kwa kiasi fulani kuipa nguvu Leizpg katika msimu huu wa ligi.
Bayern Leverkusen wamepoteza wachezaji wawili muhimu Javier Hernandez Chicharito aliyekwenda West Ham na Calhanoglu aliyetimkia Ac Milan ni pigo kwao lakini kocha moya Heiko Herlich anatarajiwa kutoa mbinu mpya kuibeba Leverkusen.
Hoffeinman bado hawana uhakika wa kufudhu Champions League na wasipofudhu watabaki Europa League msimu ujao wakiungana na Hertha Berlin pamoja na Cologne na hii itazifanya timu hizo kuwa na michuano ya ziada inayoweza kuwapa mzigo wa ziada katika ligi.
Stuttgart na Hannover wamepanda ligi msimu huu  lakini Stuttgart sio wageni sana kwenye ligi kwani mwaka 2015/2016 ndio walishuka daraja na mwaka huu wamerudi, kimbembe kipo kwa Hannover ambao tayari wameanza kutabiriwa kushuka daraja.

MADRID YATAWALA TUZO ZA FIFA, YAINGIZA FAINALI WACHEZAJI SABA

Na Ram Mbegeze

Real Madrid imeendelea kutawala katika duniani baada ya kuingiza wachezaji saba kati ya 24 wanaowania tuzo ya mchezaji bora wa Shirikisho la Soka la Kimataifa (Fifa).

Kutoka Real Madrid, wachezaji waliongia kwenye tuzo bora ya mchezaji bora Fifa ni 

Cristiano Ronaldo, Dani Carvajal, Toni Kroos, Luka Modric, Keylor Navas na Sergio Ramos.

Hiyo inaifanya Madrid kuwa timu iliyoingiza watu wengi zaidi katika listi hiyo.

EVERTON YASHINDA 2-0 NA KUJIWEKA VIZURI KUWANIA KUFIKIA MAKUNDI EUROPA LEAGUE

Everton imeitwanga Hajduk Spilit kwa mabao 2-0 na kujiweka katika hatua nzuri ya kufuzu katika hatua ya makundi ya Europa League.

Mabao ya Everton yamefungwa na Michael Keane na Idrissa Gueye katika mechi hiyo ambayo kipindi cha kwanza ilikabiliwa na tafrani kutoka kwa mashabiki wa Hadjuk hadi kusababisha mpira kusimama.

Kipindi cha pili kilikwenda vizuri na hakikuwa na bao hata moja kwa kuwa Everton hawakuweza kuongeza na wageni nao hawakupata bao. Mechi ya marudiano ni Alhamisi ijayo, Everton inayodhaminiwa na SportPesa, itakuwa ugenini.

VIKOSI:

EVERTON (4-2-3-1): Pickford 6.5; Martina 6.5, Keane 7, Williams 6, Baines 6.5; Schneiderlin 6.5 (Davies 46, 6), Gueye 6.5; Mirallas 6.5 (Besic 76), Klaassen 6 (Calvert-Lewin 62, 6), Lookman 7; Rooney 7 

SUBS NOT USED: Stekelenburg, Jagielka, Lennon, Holgate

GOALS: Keane (30), Gueye (45) 

BOOKED: Schneiderlin

HAJDUK SPLIT (4-2-3-1): Stipica 6; Juranovic 6, Nizic 6, Carbonieri 6, Memolla 5.5; Gentsoglou 6 (Toma Basic 85), Radosevic 6, Barry 6; Vlasic 6.5, Ohandza 6 (Said 66, 6), Kozulj 6 (Erceg 66, 6) 

SUBS NOT USED: Letica, Bosancic, Sehic, Tudor

BOOKED: Memolla 

REFEREE: Ivan Kruzliak (Slovakia)

Nani mtu sahihi kuvaa viatu vya Diego Costa?

KWA NYIMBO MPYA NA MATUKIO YOTE YA KIMICHEZO ,SIASA N.K, NENDA YOUTUBE NA UTAFUTE MBEGEZE TV KISHA BONYEZA NENO SUBSCRIBE USPIITWE NA KILA KITU

Siku zinakwenda tu na masaa yanakatika kuelekea ufunguzi wa ligi kuu nchini Uingereza Epl hapo mwezi wa 8 na kila timu inapambana kuhakikisha inakuwa tayari kwa ajili ya mapambano hayo.
Chelsea bado wanachechemea kusaini striker namba 9 nafasi ambayo ni lazima wasajili kama Diego Costa ataondoka kama inavyoonekana, japokuwa tayari wamefanya sajili kadhaa ila hii ni lazima kwao.
Alvaro Morata anawindwa na Chelsea, pamoja na kutoanza michezo mingi msimu uliopita lakini alifunga magoli 15 na kuassist 8 na ni kati ya washambuliaji ambao wakipewa nafasi anaweza kucheka na nyavu mara nyingi zaidi lakini dau lake sio la kitoto inabidi uwe na pesa kuanzia £70m.
Andrea Belotti, kwa watu wanaoangalia sana Serie A wataelewa unyama ulioko ndani ya Muitalia huyu,michezo 34 kapasia kamba mara 26 na kuassist mara 7 hii inaonesha kila mchezo amefanya jambo, na kwa uwezo wa Belotti hakika Conte anafaa kumsimamisha namba 9.
Pierre Aubemayang, kati ya wachezaji ambao ukimuelezea ubora wake hutumii nguvu nyingi ni Mgabon huyu, namba hazidanganyi na mabao 31 aliyofunga toka ajiunge na BVB yanAeleza ubora wake na msimu uliopita alikuwa ndio kinara wa mabao katika Bundesliga.
Sergio Kun Aguero, inasemekana City wako tayari kumuuza Aguero ili kuongeza pesa za kumpata Sanchez, msimu uliopita Kun alimaliza akiwa na mabao 20 na assist 3 huku wastani wa kufunga kila baada ya dakika 120 dakika ambazo ni Harry Kane tu mwenye chache zaidi inaonesha jinsi Kun anavyoweza kuziba pengo la Costa.
All in All Chelsea inabidi wajipange haswa maana mastriker hao wote kuwapata ni mbinde kubwa sana kwani kila unayemgusa klabu yake inataka kuanzia £60m na huku Conte analalamika kuhusu bajeti ya usajili iliyopo, kama Chelsea wakishindwa kununua striker ni bora wakae chini na Costa wayamalize.

Adebayor: Hivi ndivyo familia yangu ilivyonikosesha dili la Real Madrid

KWA NYIMBO MPYA NA MATUKIO YOTE YA KIMICHEZO ,SIASA N.K, NENDA YOUTUBE NA UTAFUTE MBEGEZE TV KISHA BONYEZA NENO SUBSCRIBE USPIITWE NA KILA KITU

Emmanuel Adebayor aliitumikia Real Madrid kwa kipindi kifupi mwaka 2011. Lakini hakuendelea kubaki Santiago Bernabeu, pamoja na kumvutia kocha Jose Mourinho, japokuwa mchezaji mwenyewe alikuwa anataka kubaki na Los Blancos. 
Akiongea katika mazungumzo na kituo cha BBC cha Uingereza, Adebayor amefunguka kwamba moja ya sababu zilizopelekea Real Madrid kutoendelea nae ilikuwa ni barua iliyotumwa na ndugu yake wa kiume kwenda kwa maboss wa Bernabeu, ikiwashauri viongozi wa Real kutomsajili nahodha huyo wa Togo.
Adebayor anasema alifanya kila kitu ili aweze kuendelea kubaki Madrid.
“Nilifanya kila kitu ili niweze kubaki jijini Madrid, lakini kwasababu ya kaka yangu sikuweza kubaki pale kwasababu alituma barua ….. barua rasmi kutoka kwa familia ya Adebayor ikiwaeleza Madrid kwanini hawatakiwi kunisajili. Hii ilichangia sana kuniharibia mipango yangu Santiago Bernabeu,” alieleza  Adebayor, ambaye kwa sasa anakipiga katika klabu ya  Basakhesir.
Mchezaji huyo wa zamani wa Arsenal na Tottenham ana uhusiano mbaya sana na familia yake, familia ambayo anasema hata kuzungumza nao ni mara chache sana.
Anasema familia yake huwa haimtafuti hata kumsalimu pale anapopata majeruhi au matatizo mengine, kipindi pekee wanachowasiliana nae ni wakati wanahitaji msaada wa kifedha tu.

PSG wamvamia Neymar kwa nguvu zote

Katika kuonesha jeuri ya pesa matajiri wa kiarabu wanaoimiliki klabu ya PSG wamepiga hodi katika klabu ya Barcelona tayari kwa ajili ya kuvunja rekodi ya dunia kumtwaa mshambuliaji wa klabu hiyo Neymar.
Taarifa zinasema kiasi cha zaidi ya £200m ambayo ni mara mbili na zaidi ya pesa zilizotumika kumnunua Paul Pogba ambaye kwa sasa ndio anashikilia rekodi ya usajili ya dunia kwa sasa.
Ripoti zinasema klabu ya PSG inataka kutumia mwanya wa Neymar kukosa uhuru wa kucheza free mbele ya Messi hivyo wanataka kutuma ofa ya karibia £222m ambayo ni wazi itawashawishi Barcelona kumuuza.
Katika dili hiyo Neymar atakula £30m kila mwaka na uwepo wa Dani Alves katika kikosi cha PSG unaweza kuwa ushawishi mkubwa kwa Neymar na PSG wanaweza kumtumia mlinzi huyo kumshawishi Neymar.
Habari zinasema Neymar hana furaha na Barcelona kwani ni ngumu kuchukua tuzo ya Ballon D’Or ukicheza mbele ya Suarez na Messi ambapo washambuliaji hao wanaminya uhuru wa Neymar akiwa uwanjani.
Lakini klabu ya Barcelona yenyewe wamesema hawana mashaka hata kidogo kuhusu kuondoka kwa Neymar kwani suala hilo katika soko la usajili ni gumu kutokea na wao wanapuuza uvumi wote kuhusu Neymar.
Josep Vives msemaji wa klabu ya Barcelona amesema “hata hatuwazi kuhusu hilo kwani ni ngumu kutokea, ni mchezaji wetu muhimu sana na sidhani kama tunaweza kupokea ofa yoyote juu yake.”

JEZI ZA OKWI, NIYONZIMA ZAANDALIWA KITU KWA AJILI YA MAUZO

Simba imejipanga kufanya biashara kubwa ya jezi za wachezaji wawili wa kimataifa nao ni Emmanuel Okwi na Haruna Niyonzima.

Niyonzima raia wa Rwanda na Okwi kutoka Uganda wameishamalizana na Simba na wanachosubiri ni kuanza kazi tu.

“Jezi zao zitauzwa sawa na wengine lakini ni lazima kufanya oda kubwa ya jezi zao,” kilieleza chanzo.

Wachezaji hao watatambulishwa rasmi katika tamasha la Simba Day. Tayari maandalizi ya msimu mpya yameanza na Simba iko Afrika Kusini.

LUKAKU AFUNGUA AKAUNTI YA MABAO MAN UNITED IKISHINDA 2-1 MECHI YA KIRAFIKI MAREKANI

REAL SALT LAKE (4-5-1): Rimando; Beltran, Glad, Horst, Phillips; Beckerman, Stephen, Savarino, Rusnak, Plata; L Silva. Subs: Fernandez, Sparrow, Wingert, Maund, M Silva, Acosta, Dunk, Schmidt, Schuler, Besler, Mulholland, Hernandez, Brody, Saucedo, Lennon.

Scorer: L Silva 20

MANCHESTER UTD (4-4-1): J Pereira (Romero 46); Fosu-Mensah (Valencia 46), Lindelof (Bailly 46), Jones (Smalling 46), Blind (Darmian 46); Carrick (A Pereira); Lingard (Mata 46, Mitchell 59), McTominay (Herrera 46), Pogba (Fellaini 46), Mkhitaryan (Martial 46, Tuanzebe 90); Lukaku (Rashford). Sub (not used): De Gea.

Scorers: Mkhitaryan 29, Lukaku 38

Sent off: Valencia

*match facts by Chris Wheeler at the Rio Tinto Stadium in Utah 

MASAU BWIRE ATAMBA MAMBO YAO KIMYAKIMYA LAKINI WATAWANYOOSHA

Msemaji wa Ruvu Shooting, Masau Bwire amesisitiza kikosi chake kitafanya vizuri msimu ujao licha ya kutokuwa na usajili wa mbwembwe.

Bwire amesema Shooting hawafanyi mambo kutaka kujionyesha badala yake ni mipango sahihi.

Tetesi za Soka Ulaya Jumanne 04.07.2017 na RAM MBEGEZE

TADHALI SUBSCRIBE MBEGEZE TV YOUTUBE KWA HABARI MBALIMBALI ZA KIMICHEZO

 

Mshambuliaji wa Uhispania na Chelsea Diego Costa, 28, anataka kuondoka Stamford Bridge kwa wakati anaotaka yeye, na jambo hilo linachelewesha hatua ya Chelsea kumsajili Romelu Lukaku, 24, kutoka Everton (Daily Mirror).

Antonio Conte anataka Chelsea watoe hata pauni milioni 100 kumsajili Romelu Lukaku, kama Everton wanataka kiasi hicho ili kumuuza (The Telegraph).
Mshambuliaji kutoka Argentina Lionel Messi, 30, atasaini mkataba mpya Barcelona mara tu atakaporejea kutoka kwenye fungate yake baadaye mwezi huu (Goal).

• Lukaku akataa kandarasi ya £140,000 kwa wiki Everton

Paris Saint-Germain wanajiandaa kupanda dau jipya la kumtaka mshambuliaji wa Monaco Kylian Mbappe, 18, na wamewasiliana na wawakilishi wa mchezaji huyo (L'Equipe).
Arsenal wanapanga kutoa pauni milioni 70 kuwasajili viungo wawili kutoka Sporting Lisbon ya Ureno, William Carvahlo, 25, na Gelson Martins, 22 (A Bola).

Haki miliki ya picha Getty Images

Image caption Wayne Rooney

Arsene Wenger atakutana na Alexis Sanchez, 28, na Hector Bellerin, 22, wiki hii kujaribu kuwashawishi wasiondoke Emirates (The Sun).
Everton wana uhakika wa kumrejesha Goodison Park Wayne Rooney, 31, kutoka Manchester United msimu huu (TalkSport).
West Ham United wanataka kumsajili mshambuliaji wa zamani wa Manchester United Javier Hernandez "Chicharito" , 29, kutoka Bayer Leverkusen (Telegraph).
Liverpool wanapanga kutoa euro milioni 12 kumsajili kipa wa Sevilla Sergio Rico (ABC Sevilla).
Chelsea wameonesha dalili kuwa wapo tayari kutoa pauni milioni 60 kumsajili beki wa kushoto Alex Sandro kutoka Juventus (Telegraph).
Barcelona wanaongoza katika mbio za kumsajili beki wa Juventus Leonardo Bonucci. Chelsea wanataka kumsajili beki huyo, lakini yeye angependa kwenda Barcelona (Daily Mirror).

Inter Milan wanataka kupanda dau la kumtaka mshambuliaji wa PSG Angel di Maria (Tuttosport).
Kipa wa zamani wa Arsenal Jens Lehmann anatarajia kurejea Emirates kama mmoja wa makocha wa kikosi cha kwanza (Guardian).
Gianluigi Donnarumma amekataa kuhamia Paris-Saint-Germain na amekubali kusaini mkataba mpya kusalia AC Milan (Sky Sport Italia).
Kiungo wa zamani wa Manchester United Ravel Morrison, 24, amefanya mazoezi na Birmingham City, akitaka kuhamia klabu hiyo kutoka Lazio (Daily Mirror).
Southampton wanataka kukamilisha usajili wa pauni milioni 8.75 wa mshambuliaji Yann Karamoh, 18, ambaye ana mzozo na klabu yake ya Caen ya Ufaransa (Sun).

Meneja wa Atletico Madrid Diego Simeone ameanza mazungumzo na klabu hiyo kuhusu mkataba mpya utakaompeleka hadi mwaka 2020 (AS).
Meneja wa Manchester United Jose Mpurinho anakasirishwa na hatua ya klabu hiyo kutosajili wachezaji zaidi ya Victor Lindelof, 22, peke yake mpaka sasa (Daily Mirror).
Jose Mourinho anataka mshambuliaji Alvaro Morata, 24, kutoka Real Madrid na kiungo Nemanja Matic, 28, kutoka Chelsea wajiunge na kikosi chake kabla ya Jumapili watakapoanza safari ya Marekani ya mechi za maandalizi (Daily Star).
Real Madrid 'wamekomaa' na Alvaro Morata hadi Manchester United watakapotoa pauni milioni 79 (Marca).
Kiungo kutoka Guinea Naby Keita, 22, anataka kuhamia Liverpool, lakini klabu yake RB Leipzig inataka pauni milioni 70 (Daily Mirror).

• 
  

Crystal Palace wameshindwa kulipa pauni milioni 30 wanazotaka Liverpool kwa ajili ya beki wa kati Mamadou Sakho, 27 (Guardian).
Manchester United wanajiandaa kupanda dau kumsajili beki Marc Bartra, 26, kutoka Borussia Dortmund (Manchester Evening News).

Newcastle bado hawajafanikiwa kumsajili kipa Pepe Reina, 34, kwa kuwa Napoli hawajapata mtu wa kuziba nafasi yake (Newcastle Chronicle).
Leicester City wamefanya mazungumzo ya awali na Sevilla kuhusu usajili wa kiungo Vicente Iborra (Sky Sports).

• 
  

Kipa Wojciech Szczesny amerejea Arsenal kutoka Roma alipokuwa kwa mkopo kwa miaka mwili (Instagram).
Habari zilizothibitishwa tutakujuza mara zitakapothibitishwa. Kwa orodha kamili ya wachezaji waliokamilisha rasmi usajili bofya link hii (Kiingereza): Tetesi kuhusu uhamisho Ulaya
Tetesi nyingine kesho tukijaaliwa. Uwe na siku njema.

Mnyate Abaki Simba Kibishi.

WINGA Jamal Mnyate aliyekosa nafasi katika kikosi cha kwanza cha Simba amefunguka na kusema kuwa bado ataendelea kuwemo katika klabu hiyo kutokana na kuwa na mkataba na timu hiyo.
Mnyate alisajiliwa na Simba akitokea katika klabu ya Mwadui kwa mkataba wa miaka miwili lakini tangu alivyosajiliwa alifanikiwa kucheza mechi kadhaa kutokana na mara nyingi akiwa anasumbuliwa na majeruhi.
“Kwa hivi sasa ni ngumu kusema msimu ujao nitakuwa wapi, kwasababu bado nina mkataba wa mwaka mmoja na Simba kikubwa mimi na wasikiliza wao waajiri wangu watakavyonambia kuhusu hatima yangu,”alisema.
Mnyate alisema hawezi kuzungumza chochote kwa sasa kutokana na kuwa bado yupo chini ya mkataba na timu hiyo, lakini angekuwa ameshamaliza nao mkataba angekuwa huru kusema msimu ujao angeenda timu gani.
Aidha,Mnyate amewapongeza  Viongozi wake kwa usajili walioufanya kwa kuwarudisha  wachezaji wao wa Zamani kama Emmanuel Okwi,Shomary Kapombe ambao walikuwa tishio  ligi kuu.

MUZAMIRU AGEUKA LULU AFRIKA KUSINI, WATAALAMU WAMSOGELEA KWA UKARIBU ZAIDI

Kiungo nyota wa Simba, Muzamiru Yasin amegeuka lulu kwa baadhi ya timu za Afrika Kusini.

Muzamiru yuko Afrika Kusini akiitumikia timu ya taifa ya Tanzania, Taifa Stars katika michuano ya Cosafa ambayo imetinga nusu fainali kwa kuwatwanga wenyeji Afrika Kusini.

Taarifa zinaeleza, mawakala kadhaa wameanza kumfuatilia kwa karibu baada ya kuwa mmoja wa wachezaji waliofanya vizuri zaidi.

Moja ya magazeti ya Afrika Kusini yameeleza kuwa Muzamiru ni lulu kutokana na uwezo aliouinyesha katika mechi zote hadi taifa Stars inafikia nusu fainali ya michuano ya Cosafa.

Imeelezwa moja ya timu zilizovutiwa ni Bidvest na Mpumalanga Black Ace lakini wataalamu wanaofuatilia wachezaji au mawakala wanaweza kuwapeleka wachezaji katika timu hata za nje ya Afrika Kusini.

Katika michuano hiyo Muzamiru amekuwa injini kuu ya kuendesha kiungo cha Stars na kusababisha mvuto huo.

KAULI YA YANGA KUACHANA NA DIDA YAWASHITUA YANGA

Kauli iliyotolewa na Kocha wa Makipa wa Yanga, Juma Pondamali kuwa wameachana na kipa wao Deogratius Munish ‘Dida’ imeonyesha kuwashitua mashabiki wengi wa klabu hiyo.

Wengi wamekuwa wakihoji sababu ya Dida kuondoka na wengine wakimtaka kuvuta subira.

Lakini wako mashabiki wa Yanga wamekuwa wakiutaka uongozi wa Yanga kukaa na kumalizana naye vizuri.

Wengine wameshauri kama amepata timu nje aende lakini si hapa Tanzania.

Pondamali alisema Dida aliwaambia hatasaini mkataba na juhudi za kumbembeleza zimekwama.

Hivyo kips African Lyon waliyemsajili, Beno Kakolanya waliyenaye na watasajili kipa mwingine chipukizi.

BAADA YA KAMATI YA UCHAGUZI KUSITISHA ZOEZI, KAMATI YA UTENDAJI INAKUTANA MCHANA HUU

KARIA: KAIMU RAIS WA TFF

Kamati ya Utendaji ya Shirikisho la Soka Tanzania (TFF) inakutana leo saa 7 mchana.

Inakutana kujadili suala la uchaguzi baada ya kamati ya uchaguzi kuahirisha mchakato wa uchaguzi.

Kamati hiyo iliahirisha mchakato wa uchaguzi baada ya mwenyekiti wake kutofautiana na wajumbe waliokuwa wakitaka Jamal Malinzi lazima afanyiwe usaili licha ya kuwa mahabusu.

Kama haitoshi, Mwenyekiti wake, Waikili Revocatus Kuuli alisema wajumbe walitaka kuwakata baadhi ya wagombea bila sababu za msingi.

Hivyo akaona hakukuwa na suala la weledi na kuamua kusimamisha mchakato wa uchaguzi uliopangwa kufanyika Agosti 12 mjini Dodoma.

Hivyo, kamati ya utendaji ya TFF italisikiliza hilo na kufanya maamuzi ikiwa ni pamoja na kuamsha mchakato huo wa uchaguzi.

EVERTON YAFANYA KWELI, YAMSAJILI KEANE KWA KITITA CHA PAUNI MILIONI 30

Everton inayodhaminiwa na SportPesa imeonyesha imepania kujiimarisha msimu ujao baada ya kumwaga pauni million 30 kumnasa beki kisiki Michael Keane kwa mkataba wa miaka mitano.

Keane alikuwa kisiki katika kikosi cha Burnley na klabu kadhaa kubwa zilionekana kumtolea “mimacho” lakini Everton imefanya kweli mapemaa.

Maana yake, Keane atakuwa kati ya wachezaji watakaotua nchini na kucheza mechi ya kirafiki dhidi ya Gor Mahia Alhamisi ya Julai 13 kwenye Uwanja wa Taifa jijini Dar es Salaam.