Timu za Basketball zilizotwaa ubingwa wa NBA mara nyingi (+Picha)

Nahafahamu upo shabiki wa nguvu wa mpira wa kikapu duniani, na hautapenda kupitwa na hii list iliyozitaja timu 5 za Baskteball kutoka kwenye ligi kuu ya NBA ambazo zimefanikiwa kuchukua ubingwa wa mara nyingi.

Takwimu imezitaja timu zilishoshiriki mashindano ya mpira wa kikapu kuanzia mwaka 1976 ikiwemo club ya San Antonio Spurs ambayo ilianzishwa mwaka 1967 lakini ilijiunga na ligi ya NBA mwaka huo huo 1976.

Zipo pia timu kama Los Angeles Lakers ambayo ilikuwa ikiitwa Minneapolis Lakers kuanzia mwaka 1947 mpaka 1960. Kuna club ambazo zimefanikiwa kutwaa kikombe cha Larry O’Brien NBA Championship ambacho hutolewa na Chama cha Mpira wa Kikapu kwa mshindi wa fainali za NBA kila msimu.

Kikombe hicho kilikuwa kinaitwa Walter A. Brown mpaka kufikia mwaka 1984 kilipobadilishwa na kuitwa Larry O’Brien NBA Championship.

Nimeziweka hapa timu tano bora zilizochukua ubingwa wa Basketball mara nyingi zaidi.

	Jina la Timu	Idadi ya Ubingwa wa NBA	Miaka ya Ushiriki
1.	Boston Celtics (Boston, Massachusetts)	17	Miaka 70  (1946 mpaka 2016)
2.	Los Angeles/Minneapolis Lakers (Los Angeles, California)	16	Miaka 69  (1947 mapaka 2016)
3.	Chicago Bulls (Chicago, Illinois)	6	Miaka 49  (1966 mpaka 2016)
4.	San Antonio Spurs (San Antonio, Texas)	5	Miaka 40  (1976 mpaka 2016)
5.	Golden State Warriors (Oakland, California)	4	Miaka 70 (19 mpaka 2016)

TAZAMA PICHA ZA UTOTONI ZA MASTAA WA SOKA BARANI ULAYA

 picha za mastaa wa soka,

 picha za utoto za staa wa mkongwe wa Real Madrid Zinedine Zidane, mkongwe wa zamani wa AC Milan Paolo Maldini, kiungo wa zamani wa Real Ricardo Kaka.

Paolo Maldini

Wengine ni  mkali wa zamani wa FC Bayern Munich na timu ya taifa ya Ujerumani Miroslav Klose, Wayne Rooney wa Man United na Andriy Shevchenko aliyetamba katika vilabu vya AC Milan na Chelsea.

Wayne Rooney

Zinedine Zidane

Miroslav Klose

Ricardo Kaka

Andriy Shevchenko

Habari mbaya kwa Arsenal kuhusu Hector Bellerin

Meneja wa Arsenal Arsene Wenger amethibitisha kwamba Hector Bellerin anatarajiwa kuwa nje kwa wiki nne baada ya kupata majeraha katika mchezo dhidi ya Tottenham.

Beki huyo wa kulia Mhispania aliumia kifundo cha mguu wakati wa mchezo dhidi ya Spurs uliomalizika kwa sare ya bao 1-1 kabla ya kupisha mapumziko ya mechi za kimataifa.
Katika mkutano na wanahabari leo Wenger amesema: “Hectoer atakuwa nje kwa wiki nne. Alipata majeraha sekunde kumi tu kabla ya mchezo dhidi ya Spurs kumalizika.”
Kwa hali hiyo Bellerin ataukosa mchezo wa Ligi Kuu ya England dhidi ya Manchester United unaotarajiwa kufanyika Jumapili ya wikiendi hii katika Uwanja wa Old Trafford.

Klopp aichimba mkwala Barcelona kuhusu Coutinho

Moja ya habari ya moto kuhusu swala zima la uhamisho ni kuhusu tetesi za Countinho kuhusishwa na ishu ya kutakiwa na Barcelona. Tetesi hizi zimepamba moto baada ya mchezaji wa zamani wa Barca Xavi kusema kwamba playmaker huyo wa Brazil ni moja kati ya wachezaji wachache wanaoweza kuongeza kiwango chao kama akijiunga na Barca.
Kwenye mkutano na waandishi wa habari Klopp alisema hivi kuhusu mchezaji huyo mwenye miaka 24,“Yeye ni mchezaji mzuri sana na siku zote utataka kukaa nae kwa muda mrefu zaidi. Ni swala zima la kutengeneza hali na fikra ya kwamba hakuna mtu yoyote anayetaka kuhama.”
Klopp aliendelea, “Mawazo yangu ni kwamba anajiskia vizuri sana kuwa pale na naamini ana maisha mazuri hapo mbeleni na Liverpool”. Maneno yote haya Kwa uwezo wa kipenda wa club ya Liverpool wanaweza kushinda jaribio lolote la kumchukua mchezaji huyo kama kwa sababu ya pesa.

Rais wa Barcelona amesema hivi kuhusu tetesi za mkataba wa Messi.

Lionel Messi anamaliza mkataba wake wa sasa ifikapo 30 JUne 2017, kutokana na ripoti za gazeti la Marca mchezaji huyo mwenye miaka 29 anaweza kusepa.
Messi ambaye analipwa pesa nyingi zaidi kwenye listi ya wachezaji wa Barcelona anatarajiwa kuwa mchezaji ghali zaidi duniani akisaini mkataba mpya.
Kutokana na Alves kuondoka Barcelona waandishi wengi waliandika kwamba kitendo hicho hakikumfurahisha Messi. Kuchelewa kuasaini mktaba mpya wakati wa sasa hivi umebaki chini ya mwaka mmoja vinaleta viashiria vibaya kwamba huenda Messi akasepa.
Wakati wa sherehe ya kutangaza sponsor mpya wa jezi za Barcelona rais wa club hiyo alisema,“Sisi tunashawishika kwamba Messi atamaliza maisha yake ya soka hapa Barcelona. Yeye ni mchezaji aliyetuongoza kwenda kwenye mafanikio ndani ya miaka yote hii”.
Kwa ujumla Messi alecheza mechi 548 akifunga mara 472 na kutoa assist mara 219. Bado kubaki kwake ni kitendawili na kama akiondoka ataenda wapi?. Endelea kufatilia shaffihdauda.co.tz kwa ajili ya updates

Wayne Rooney aomba radhi kwa picha zake kusambaa

Wayne Roonye ameingia kwenye vichwa vya habari siku hizi mbili zilizopita kutokana na picha zake kusambaa akiwa ameonekana kalewa. Picha hizo zinamuonyesha Rooney akiwa amelewa na mashabiki zilitolewa na mtandao wa The Sun zikiwa na kichwa habari kwamba Rooney alilewa hadi anashindwa kusimama.
Japokua ilikua ni siku off kwa Rooney ambapo anaruhusiwa kuwa kwenye starehe zake kama hivyo lakini bado ammemtumia msemaji wake kuomba msamaha kwa picha kusambaa. Msemaji huyo alisema,“Wayne Rooney anajiskia vibaya kwa picha alizopiga na mashabiki kusambaa. Japokua ilikua ni siku yake ya kupumzika anaamini zile picha sio sawa kusambaa kwa mtu kama yeye.”
Msemaji huyo aliendele,” Leo mapema Rooney aliongea na Gareth Southgate na Dan Ashworth kuhusu hizi picha. Pia Wayne anajiskia vibaya zaidi kwa mashabiki wenye umri mdogo ambao wameona hizi picha.”

Uamuzi wa Azam FC kuhusu Kipre Balou

Klabu ya Azam FC imethibitisha kwamba, haitoendelea na mchezaji wao Michael Balou ambaye mkataba wake unamalika katika klabu hiyo ya inayoshikilia ubingwa wa AFrika Mashariki na Kati (Cecafa Kagame Cup).
Afisa habari wa Azam Jafar Idd amesema Balou tayari ameshapatiwa barua ya kumtakia kila la heri baadaya ya mkataba wake kumalizika ndani ya Azam  FC.
“Alikuwa ni mchezaji wetu ameitumikia timu kwa muda mrefu na kwa mafanikio makubwa mpaka sasa anaondoka mkataba wake umefikia kilele na hayupo kwenye mipango ya mwalimuya baadae kwa maana ya msimu ujao”, amesema Jafar Idd wakati akihojiwa na kituo kimoja cha radio cha Dar es Salaam.
“Taratibu zake na mazungumzo yake na Azam FC vimekwenda vizuri na tayari ameshapewa barua rasmi kumtaarifu hatutakuwanaye kwenye msimu unaokuja.”
Balou alijiunga na Azam mwaka mmoja baada ya ndungu yake Kipre Tchetche kujiunga na klabu hiyo ya Chamazi na anaondoka klabuni hapo miezi michache baada ya ndugu yake kuachana na kjlabu hiyo na kutimkia kwenye falme za Kiarabu.

Justice Majabvi kaeleza sababu iliyomfanya aondoke Simba SC

Mtandao wa Millardayo.com umeripoti kuhusu sababu iliyotolewa na mchezaji wa zamani wa Simba Justice Majabvi kuamua kuachana na klabu hiyo ya msimbazi licha ya kufanya vizuri kwenye mechi ligi kuu Tanzania bara na kombe la FA (Azam Sports Federation Cup).
Kiungo huyo raia wa Zimbabwe, alihudumu Simba kwa msimu mmoja na katika msimu huo alicheza kwa asilimia 90 ya mechi zote za Simba na kuonesha kiwango kizuri.
Baadae mwisho wa msimu alivyoenda kwao Zimbabwe hakutaka tena kurudi Simba, millardayo.com  imempata akiwa kwao Harare, Zimbabwe na kueleza nini kilimfanya aondoke Simba licha ya kucheza kwa kiwango kizuri.
“Kwanza nilitaka kurudi nyumbani kukaa karibu na familia yangu na kuna vitu baadhi vilikuwa haviendi sawa kati yangu na timu, sasa sikutaka kumsumbua mtu wala ku ‘make stori’ nikaona njia sahihi ni mimi kuondoka tu.”
“Kama wanataka nirudi nilazima wazingatie professionalism unajua mimi ni mchezaji professional sitokei mtaani, katika maisha yangu ya soka sikuwahi kuwa na ugomvi na yeyote katika soka na sipendi migogoro, mimi napenda kucheza soka.”
“Kwa sasa nipo tu, sichezi mashindano yoyote zaidi naenda kucheza timu za malegend pale ninapojisikia haiko serious kihivyo, huwa najumuika na wachezaji wa timu za zamani, bado najihisi naweza kucheza na kufanya vizuri lakini ili nirudi kucheza ni lazima nipate mahali sahihi.”

Warriors waharibu Usiku wa Drake…

Klabu ya Golden State Warriors haikujali kama Toronto Raptors waliuandaa usiku wa kuamkia leo kuwa usiku wa Drake. Walimaliza kazi waliyotakiwa kuifanya.
Ikumbukwe kuwa rapa huyu raia wa Canada ambaye pia ni balozi wa klabu ya Toronto Raptors kote duniani hakuwahi kushuhudia klabu yake hiyo ikipoteza mchezo katika siku iliyopewa heshima yake katika miaka mitatu mfululizo ambayo imefanyika.Hata hivyo ni kama hakuwa na namna dhidi ya Warriors inayoonekana kusheheni mastaa na timu yake kupoteza 127-121.
Hata hivyo kama kawaida yake alionekana kuwapa kejeli wachezaji wa klabu ya Golden State Warriors hasa wale wa benchi katika vipindi tofauti hasa wakati klabu yake ya Raptors ilipokuwa ikiongoza kwa pointi 10.
“Amkuewa akizingumza majungu sana kwa wiki kadhaa sasa, amekuwa akisema kuwa watatufunga kwa sababu pia itakuwa ni usiku wa Drake,” Draymond Green. “Atakuwa ameumia kwa kiasi fulani.”
Stephen Curry alikuwa na pointi 35  huku Kevin Durant akiongeza 30 katika ushindi huo, unakuwa ni ushindi wa tano mfululizo kwa Warriors huku pia ukiwa ni wa tano mfululizo kwao dhidi ya Toronto Raptors.
DeMar DeRozan aliongoza kwa pointi upande wa timu yake, 34 kwa upande wa Raptors, huku Kyle Lowry akiongeza 24 na Toronto wamepoteza mihcezo miwili mfululizo kwa mara ya kwanza mwaka huu. Toronto ilipoteza 121-117 mjini Cleveland dhidi ya Cleveland siku ya alfajiri ya Jumatano.

Wenger asema hajasahau alichofanya Rashford mwaka jana.

Tukielekea kwenye mechi ya Manchester Vs Arsenal kuna habari nyingi zinatokea. Moja ya habari kubwa ya leo ni kuhusu Wenger alivyomzungumzia mchezaji Rashford.
Akizungumza kwenye press kuhusu kikosi cha Manchester united, waandhishi wa habari walikua wana hamu ya kujua maoni ya Wenger kuhusu kutokuwepo kwa Zlatan. Lakini tofauti ya mategemeo Wenger alisema sema kwamba kwa Man United hatari haipo kwa Zlatan.
Arsene Wenger asema kwamba hatari ipo kwa kijana wa miaka 19 Marcus Rashford. ,“Tusisahau mwaka jana, kijana aliyetuua ni Rashford”. Kwa sentesi hiyo Wenger alionyesha kwamba wasi wasi wake haukua sana kwa Zlatan zaidi ya Rashford.

Tetesi : Theo Walcott anaweza kukosa mechi ya Manchester.

Umekua mwanzo mzuri wa msimu kwa Walcott ambae alianza kwa maswali mengi kutoka kwa mashabiki kwa nafasi yake ndani ya club hiyo. Hatimaye aliweza kuwanyamazisha kwa kufanya vizuri baada ya kufunga mara tano katika mechi 11 alizocheza pamoja na kutoa assist tatu.
Hivi sasa wakielekea kwenye mechi dhidi ya Manchester united inasemekana kwamba anaweza kukosa mechi dhidi ya mahasimu wao Manchester united. Sio kwamba ana majeraha hapana,  mke wake Melanie Slade anategemewa kujifungua muda wowote kuanzia sasa hivi.
Mke wake akiwa anajifungua au akijifungua kwa kawaida Theo Walcott atahitajika kuwa karibu na mke wake.Sasa mashabiki wa Arsenal wanatakiwa kusubiri hadi mwisho kuona kwamba shemeji yao atajifungua muda gani ili Walcott awepo kwenye line up

UNATAKA KUJUA MBEYA CITY WANAFANYANINI KUELEKEA DIISHA DOGO LA USAJILI? ANGALIA VIDEO HII HAPA CHINI

UNAJUA SIMBA WANAMTAKA TENA EMANUEL OKWI?

Simba ina mpango wa kumsajili Emanuel Okwi kwa dola 120,000 wakati miezi michach iliyopita simba walimuuza mchezaji huyo kwenye klabu ya  Sonderjyske ya nchini Denmark kwa dola za kimarekani 120,000 kwa maana amepand kiwango tofauti na msimu ule simba wanamuuza kwenda Denmark

ARGENTINA WATAKUWA VINARA KWENYE VIWANGO VYA FIFA MSIMSMO UKITOKA NOV 24

lakini Brazil ndio imekuja vingine na inaonekana kuja kwa kasi na itapanda mpaka nafasi ya 2.
Brazil wangeweza kutwaa nafasi ya kwanza kama Argentina ingepoteza mchezo wa kufuzu kombe la dunia dhidi ya Colombia siku ya Jumanne, lakini ushindi wa 3-0 uliwabakisha katika nafasi ya 1 mpaka sasa.
Brazil iliyokuwa chini ya kocha mpya Tite, hawajawahi kuongoza msimamo huo wa FIFA tangu muda mfupi kabla ya kombe la dunia la mwaka 2010. Waliwachapa Argentina mabao 3-0 wiki iliyopita kabla ya kuwafunga  2-0 mjini Peru. Hivyo nafasi hii ya sasa inamaanisha wanarejea katika nafasi ya juu kama hiyo tangu miaka 6 iliyopita.
MSIMAMO MPYA WA FIFA, Top 20 UTAKAVYOKUWA.
1 Argentina
2 Brazil
3 Germany
4 Belgium
5 Chile
6 Colombia
7 France
8 Portugal
9 Uruguay
10 Spain
11 Switzerland
12 Wales
13 England
14 Croatia
15 Poland
16 Italy
17 Costa Rica
18 Mexico
19 Peru
20 Ecuador

ANGALIA GARI MPYA YA RASHFORD, ZAIDI YA SH MILIONI 150

Mshambuliaji Marcus Rashford wa Manchester United ameonyesha kweli soka linalipa baada aya kutinga mazoezini akiwa na gari lake jipwa aina ya Mrcecedes Benz.

Gari hilo lina thamani ya pauni 60,000 (zaidi ya Sh milioni 150) ni gari jipya la mwanafunzi huyo ambaye amelipata baada ya mkataba wake mpya na Man United.

Rashford amekuwa na mwenendo mzuri akiwa na kikosi cha Man United pia kikosi cha timu ya taifa ya England.

MAYWEATHER ASIMAMIA PAMBANO LA DEGALE VS JACK

Baada ya kufanya kimyakimya kazi ya upromota, sasa bondia nyota Floyd Mayweather ameamua kufanya hadharani.

Mayweather ambaye alitangaza kustaafu baada ya kushinda mapambano 49, ameonekana akisimamia pambano la mabondia Badou Jack  (kushoto) na James DeGale (kulia) akiwa ni promota.

Man United vs Arsenal

Mapambano katika vita sikuzote ni kuhakikisha tusitegemee katika kuamini kuwa, adui hata kuja upande wetu lakini tumsome na kujifunza kumpokea pale anapowasili.
Usiwaze kuwa hatokushambulia kwanza lakini unahakikisha kuwa unakuwa kwenye nafasi ambayo inakufanya kuwa salama dhidi yake huku unajipanga kumdhuru inavyotakiwa, hii ndiyo namna ambayo akili ya ushindi inavyotakiwa kuwa siku zote, hivyo ndivyo ambavyo Simba humuwinda Nyati siku zote na kila mla nyama hushika kisu kwa namna hiyo.
Hakuna asiyekuwa na tamaa na mchezo kati ya Manchester United dhidi ya Arsenal, hakuna jicho ambalo mboni yake haitofurahi kushuhudia uso mkavu wa Mourinho dhidi ya taswira ya huruma ya Arsenal Wenger zikitazamana katika nyasi ambazo ni wazi zitaumia kwa dakika 90 na zile za nyongeza ambazo muuaji wake ni Andre Marriner.
Kila roho itakuwa na hatima yake, kila majigambo yatapata mbabe wake na hakuna namna nyingine zaidi ya kuamini kuwa kila hasira itabidi ikinzane na furaha nyingine japo jambo zuri ambalo linaufanya huu mchezo kuwa wa kuvutia pengine ukaweza kuuita Pizza ni chuki iliyopo baina ya makocha hawa wawili. Hawakubaliani, hawafuatiliani, na wala hawahitajiani katika pembe ya kila mmoja, wote wanaamini ni Faru ingawa mwingine anayeitwa Mourinho pembe yake imemdhuru zaidi Wenger.
Silaha hazishushwi na mageuzi yanayoweza kufanyika siku hii, Manchester United bado hawana muunganiko kikosini mwao huku Arsenal wakiwa katika Kitonga na gari yao yani wanateremka tu.
Ozil macho yake yamekuwa makubwa zaidi na sasa anaziona nyavu kwa ufasaha kuliko alivyokuwa akiona miili ya wenzie ili awapigie pazi za mwisho, lakini pia Sanchez yupo katika kiwango chake cha Bugatti kiwango ghali kabisa katika maisha yake ya soka kwa sasa amekomaa, anawahusisha wengine mchezoni na anafanya kila anayemzunguka aonekane Daudi anayeweka kumuangusha Goliati yeyote anayekuja mbele yake.
Hii ndiyo silaha yao kwa sasa yani ubora wa watu hawa wawili ndio unaamua matokeo ya Arsenal kwa kiasi kikubwa huku kisimani wakiachiwa Granit Xhaka na Francis Coquelin wafate maji.
Mourinho siku zote kuhusu Wenger katika mechi za kimashindano amekuwa ni nyumba ya Kobe, kila jiwe lilipokuja upande wa kichwa chake halikumpata kwasababu ilikuwa rahisi kwake kurejesha kichwa ndani huku akiwa na sumu ya koboko. Kila alipong’ata Wenger alimuua na hakuna namna ambayo Wenger angeweza kufanya lakini hakuna wakati mzuri ambao pengine Wenger alikuwa akiuombea kama huu, ule wakati ambao adui hana mikono huku akitakiwa kukumaliza kwa bunduki.
Manchester United kwa sasa ‘maji kujaa’ lakini nyakati nyingi inakuwa ‘maji kupwa’, Mourinho hajapata muunganiko ambao ulizoeleka hapo kabla kwenye vilabu vingine alivyopita, pamoja na kuwa kuna nyakati wachezaji kama Pogba wanakuwa na nyongeza ya kile ambacho wengi wanategemea kukiona kutoka kwao bado Mourinho taa za gari lake zimezima au mwanga wake umefifia na hata lile kurunzi alilolinunua ili wakati amezidiwa limulike halijaweza kuwa fiti huku pia likionekana kutoingia kwenye mfumo linaitwa Henrikh Mkhitaryan.
Huu pia unaweza kuwa wakati mbaya zaidi kwa Arsenal Wenger kwasababu kwa namna Manchester United walivyokutana na ugumu katika mechi kubwa, silaha ya Mourinho inaweza kuwa kujihami na kuwazuia Arsenal ambao wanatiririka wasiweze kucheza kwa uhuru.
Mourinho ni ngumu kwake kuweka kichwa mahali ambapo nyumba ya Wenger inaweza kukua hivyo kutaka kufanya pambano liwe refu na wakati ambao vijana wa Arsenal wanakuwa wameishiwa nguvu au kuondoka kwa wingi ili wakashambulie aweze kutumia mwanya huo kuwaumiza.
Mamba kamwe hang’oki meno kwasababu uhai wake hutegemea hapo, hivyo akiwa mpole haina maana kuwa unatakiwa kuweka kiganja kwenye mdomo wake, hii ndiyo inatakiwa kuwa akili ya Wenger wakati huu.
Pamoja na kuwa Mourinho anaweza kuwa kwenye wakati mgumu bado anabaki kuwa moja ya makocha wa kiwango cha Dunia na uzoefu wake unaweza kuwaumiza Arsenal wakati wowote kama hawatokuwa makini na nafasi wanazozitengeneza na kama Mustafi na Koscielny hawatakuwa makini muda wote jambo ambalo halijawa tabia yao msimu huu.
Hakuna asiyetamani pilau siku za siku kuu, sembuse hili ambalo kachumbari katengeneza muhindi? Pilipili yake kila mmoja itamfaa utamu wake kila mmoja ataufurahia na wapo ambao wanatamani hata mwiko uwe wao waamue pishi litavyotoka hao wanaitwa Manchester City, Liverpool na Chelsea. Adui mwombee njaa lakini hawa wanawaombea arosto ili hata dawa watakazo zihitaji ziendelee kuwalevya.
Unapotamani kuua kwa upanga, kumbuka shoka anaweza kuwanayo jirani, umakini tu ndio utaamua mchezo huu ingawa hakuna siri sufuria lipo kwa Mourinho na mwiko anao Wenger mwenyewe wakati huu, ujanja wake tu namna ya kuivisha, kisipoiva shauri yake.