HAWA TAYARI WAMEINGIA KWENYE KALAMU NYEKUNDU YA JOSE MOURINHO, SAFARI IMEWAKUTA...

Winga Memphis Depay hatakuwa na ujanja wa kuendelea kubaki Old Trafford pale Kocha Jose Mourinho atakapoanza kuwatema anaoamini hawana faida katika kikosi chake Januari, mwakani.

Depay aria wa Uholanzi aliyetua Man United kwa dau la pauni milioni 25, hana ujanja na hawezi kusalimika hats kidogo.

Wengine ambao wameingia kwenye msitari huo mwekundu na wataachwa katika kikosi cha Manchester United ni Morgan Schneiderlin, Marcos Rojo na Matteo Darmian.

MSUVA MCHEZAJI BORA WA VPL MWEZI OKOTOBA

Winga Simon Msuva wa Young Africans amechaguliwa kuwa mchezaji bora wa mwezi Oktoba wa Ligi Kuu ya Vodacom.

Msuva alikuwa na washindani wa karibu wawili katika kinyang'anyiro hicho cha Oktoba ambao wote ni kutoka Simba. Wachezaji hao ni Shiza Kichuya na Mzamiru Yassin.

Katika mwezi Oktoba ambao ulikuwa na raundi sita, Msuva aliisaidia timu yake kupata jumla ya pointi 14 huku akifunga mabao manne, na kutoa pasi tano za mwisho (assist).

Kwa kushinda tuzo ya mchezaji bora wa mwezi, Msuva ambaye alikuwa mchezaji bora wa Ligi Kuu ya Vodacom kwa msimu wa 2014/2015 atazawadiwa kitita cha sh. milioni moja kutoka kwa wadhamini wa Ligi hiyo kampuni ya Vodacom Tanzania.