HAZARD MCHEZAJI BORA WA OKTOBA ENGLAND, CONTE KOCHA BORA

Nyota wa Chelsea, Eden Hazard akiwa ameshikilia tuzo ya Mchezaji Bora wa Ligi Kuu ya England kwa mwezi Oktoba baada ya kukabidhiwa leo kufuatia kufunga mabao matatu mwezi uliopita   PICHA ZAIDI GONGA HAPA 

Kocha wa Chelsea, Antonio Conte akiwa ameshikilia tuzo ya Kocha Bora wa Ligi Kuu ya England kwa mwezi Oktoba baada ya kukabidhiwa leo kufuatia kuiongoza The Blues kushinda mechi zote nne za mwezi huo

MOURINHO:Wayne Rooney ready for Arsenal

Meneja wa Man UTD  Jose Mourinho Amesema nyota wake Wayne Rooney yuko tayali kwa ajili ya mchezo wao dhidi ya Arsenal.

HANS POPPE; OKWI HAYUPO KWENYE MIPANGO YETU

DIRISHA dogo la usajili limeshafunguliwa na sasa gumzo limeanza kila upande ukiamini fulani anatua timu fulani au anaondoka sehemu fulani.

Hiki ndiyo kipindi kila mtu ana uwezo wa kueleza jambo lake analolijua yeye kulingana na tetesi au hali halisi.

Moja ya mazungumzo ni kurejea kwa mshambuliaji Emmanuel Okwi, ambaye inaelezwa anatakiwa kujiunga na Simba akitokea Denmark ambako aliuzwa na Simba katika klabu hiyo ya SonderjysjkE.

 Hanspope amesema haya akihojiwa na radio mojawapo jijini dare es ssalaam 

Hans Poppe: Nimesikia sana mtandaoni, waandishi wakaanza kunipigia na mimi nikaamua kuzungumza na wenzangu kupata uhakika. Kila mmoja hakuwa akilijua hili. Sitaki kuzika kichwa changu kwenye mchanga, yaani nifiche au niseme tu. Nafikiri Okwi hadi sasa hayuko kwenye mipango yetu.

Na tuangalie, haiwezi ikawa kila siku tunarudi kwa mtu yuleyule. Halafu lazima mjue, sisi tutafanya kazi ya usajili kutokana na ripoti ya mwalimu inasemaje. Ikitokea anatakiwa pia mtajua lakini itakuwa kutoka kwetu.

MASAU BWIRE ASEMA WATAPAMBANA KUHAKIKISHA WANAFANYA VEMA MZUNGUKO WA PILI WA VPL

        Msemaji wa timu ya Ruvu shooting ya pwani Masau bwire amesema kuwa watapambana mpaka mwisho ktk mzunguko wa pili wa vpl  kuhakikisha wanakuwa juu kunako vpl   angalia msimamo ulivyo ujue je wataweza kuwa ktk nafai ya juu kwamaana yapili au yakwanza     Msimamo wa Ligi Kuu Msimu Huu

Rn	Timu	P	W	D	L	F	A	Gd	Pts
1	SIMBA SC	15	11	2	2	26	6	20	35
2	YANGA	15	10	3	2	31	8	23	33
3	Azam FC	15	7	4	4	23	14	9	25
4	KAGERA SUGAR	15	7	3	5	16	16	0	24
5	MTIBWA SUGAR	15	6	5	4	19	18	1	23
6	STAND UNITED	15	5	7	3	15	12	3	22
7	T. PRISONS	15	4	7	4	9	10	-1	19
8	Ruvu Shooting	15	4	7	4	14	16	-2	19
9	MBEYA CITY	15	5	4	6	13	15	-2	19
10	NDANDA FC	15	5	4	6	13	16	-3	19
11	African Lyon	15	4	5	6	10	15	-5	17
12	MAJIMAJI FC	15	5	1	9	12	23	-11	16
13	Mbao FC	15	4	3	8	15	20	-5	15
14	JKT RUVU	15	2	7	6	6	12	-6	13
15	MWADUI FC	15	3	4	8	12	21	-9	13
16	TOTO AFRICANS	15	3	3	9	9	17	-8	12

AZAM FC WAANZA KUTAMBA KWAMBA WATAKUWA HATARI SANA

Nyota mpya wa Klabu Bingwa ya Afrika Mashariki na Kati Azam FC, Samuel Afful, ameweka wazi kuwa kikosi hicho kitakuwa moto kuelekea michuano mbalimbali itakayoshiriki kuanzia mwezi ujao kutokana na ujio wake na aina ya wachezaji aliowaona ndani ya timu hiyo.

Mshambuliaji huyo kutoka Ghana amesaini mkataba wa miaka mitatu juzi akitokea timu ya Sekondi Hasaacas ya huko, anaungana na nyota wengine Waghana waliosajiliwa na Azam FC msimu huu, beki wa kati Daniel Amoah, winga Daniel Atta Agyei na mshambuliaji Yahaya Mohammed.

Afful, 20, alifunga bonge la bao kwa shuti kali kwenye mechi yake ya mwisho ya majaribio dhidi ya Ruvu Shooting Jumatatu iliyopita katika ushindi wa 3-1 wa Azam FC.

Afful amesema kwa aina ya wachezaji ambao Azam FC imewasajili kutoka Ghana akiwemo yeye basi itarajia kuwa na safu tishio ya ushambuliaji kwenye mechi zinazokuja.

“Nimefurahi sana kujiunga na Azam FC kama mchezaji mwingine anavyofurahia kusaini mkataba na timu mpya, namshukuru Mungu kwani yeye ndiye amefanikisha hili, nimejiandaa vilivyo kuisaidia timu hii na naamini kwa namna nilivyowaona wachezaji kwenye mechi mbili nilizocheza na usajili uliofanywa Azam FCitakuwa moto sana kwa mechi zinazokuja na eneo la ushambuliaji litakuwa tishio,” alisema.

Afful aliongeza kuwa: “Ni wapya kwenye timu lakini tutakapokuwa tukicheza wote tutakuwa tukizungumza lugha moja ya kusaidia timu kwenda mbele, naamini kwa aina ya wachezaji niliowaona na sisi tulioongezeka, Azam FC itakuwa na kikosi bora kabisa cha muhimu ni mashabiki kujitokeza kwa wingi kutusapoti, nilifurahishwa na ujio wao kwenye mechi ile iliyopita (Ruvu Shooting), hali hiyo inatupa nguvu sisi wachezaji.”

Alisema kuwa Azam FC imesajili watu sahihi kwa ajili ya kuimarisha kikosi huku akidai kuwa imebakia kwa upande wao kulipa fadhila kwa kufanya vema uwanjani.

Kinda huyo wa timu za Taifa za Ghana chini ya umri wa miaka 20 na 23, aliwahi kuchaguliwa kuwa mchezaji bora anayechipukia kutoka Ghana mwaka juzi, na anakuja Azam FC akiwa ametoka kufunga jumla ya mabao tisa kwenye Ligi Kuu ya Ghana msimu uliopita akiwa na Sekondi Hasaacas, Pia alichaguliwa kuwa mchezaji bora wa Ghana anayechipukia mwaka juzi

Mbali na kuwepo timu hizo za vijana, atakumbukwa kwa rekodi aliyoweka mwaka jana ya kuifungia bao muhimu timu ya Taifa ya Ghana chini ya umri wa miaka 20 (U-20) ilipokuwa ikicheza na Zambia, kwenye ushindi wa mabao 2-1 na kuipa nafasi ya kushiriki fainali za Kombe la Dunia nchini New Zealand, baada ya kutinga nusu fainali ya Mataifa ya Afrika kwa Vijana (U-20) zilizofanyika Senegal mwaka huo.

Afful pia amewahi kuwemo kwenye kikosi cha timu ya Taifa ya Ghana cha wachezaji wa ndani, kilichoshiriki fainali za Mataifa ya Afrika kwa Wachezaji wa Ndani (CHAN) zilizofanyika Ghana mwaka juzi na timu hiyo kushika nafasi ya pili akiwa sambamba na nyota mwingine aliyesajiliwa na Azam FC, Yahaya Mohamed.

Kikosi cha Azam FC kwa sasa kipo kwenye mapumziko ya wiki mbili hadi Desemba 3 mwaka huu, kitakapoanza mazoezi ya kwanza kujiandaa na mzunguko wa pili wa ligi pamoja na michuano mingine mbalimbali.

YALIYOJITOKEZA BAADA YA KIJANA CHRISTOPHER KUSIMAMISHWA NA TFF

Mapya yaibuka kuhusu kijana aliyesimamishwa na TFF kwa tuhuma za kusaini timu zaidi ya moja

SIKU chache baada ya Shirikisho la soka nchini-TFF kumsimamisha mchezaji, Christopher Paschal Mshanga aliyeichezea Kagera Sugar U20 vs Yanga SC katika mchezo wa ufunguzi wa ligi kuu ya vijana kwa madai ya kusaini timu mbili tofauti (Kagera na Panone FC ya ligi daraja la kwanza).
Uongozi wa Machava FC inayoshiriki ligi daraja la pili umejitokeza na kusema kuwa kijana huyo ni mchezaji wao halali tangu angali na miaka 7 na Panone walimsaini kutoka Machava kwa mkataba wa mkopo wa miezi mitatu.
“Christopher Paschal Mshanga aliyeichezea Kagera Sugar na kusimamishwa kwenye ligi kuu ya vijana U20 si mchezaji wa Panone FC kama inavyosemwa, ni mchezaji halali wa Machava FC ya hapa Moshi. Kila kitu kuhusu yeye kipo Machava, mpaka mkataba aliotolewa kwa mkopo wa miezi mitatu kwenda Panone upo Machava.“
“Mkataba ulipomalizika akarudi katika timu yake, sasa hawa Panone wanasemaje ni mchezaji wao wakati hawakufuata utaratibu wa makubaliano ya kumchukua jumla Paschal?” anahoji kiongozi wa Machava FC mapema leo Ijumaa alipowasiliana na mtandao huu.
“Panone walishindwa kumlipa stahiki zake kama walivyokubaliana na mtu aliyetoa taarifa za kulalamika kuhusu mchezaji huyo si kiongozi wa Panone, lakini cha kusikitisha aliweza kutoa hadi kitambulisho cha mchezaji huyo na kusambaza katika magroup na mitandao mbalimbali ya kijamii kama vile yeye ni msemaji wa klabu au TFF wakati ni makosa na amefanya vile kwa lengo la kumdhalilisha kijana na kutaka kuharibu kipaji chake.”

YAJUE HAY KUELEKEA DERBY YA MADRID J.MOSI

Katika mchezo  vs Atletico Madrid jumamosi hii, Real Madrid na Zinedine Zidane kwa mara nyingine watakuwa wakitegemea silaha zao za ushambuliaji kupata ushindi muhimu katika Derby na kujiongezea wa pointi katika uongozi wa La Liga.
Hautokuwa mtihani mwepesi katika dimba la  Estadio Vicente Calderon, Madrid hawajapata ushindi katika Derby sita zilizopita za ligi, wakifungwa mechi 4 na sare 2.
Kuondoa mkosi wa Bale

Tangu alipowasili kutokea Tottenham Hotspur miaka 3 iliyopita, Gareth Bale amepata mafanikio makubwa: 2 Champions League titles, a Club World Cup, 2 UEFA Super Cups na  Copa Del Rey.
Katika kufanikisha hayo amekuwa mmoja wa wachezaji muhimu katika ulimwengu wa soka.
Lakini pamoja na mafanikio mpaka sasa ameshindwa kufunga goli au kupata ushindi dhidi ya Rojiblancos – pamoja na Valencia pia, katika La Liga.
Mpaka sasa ameshacheza mechi 5, sare 2 (zote katika uwanja Calderon) na vipigo vitatu – viwili kati ya hivyo katika uwanja wa Santiago Bernabeu – kipigo kimoja kikiwa kile cha 4-0 msimu wa 2014/15.
Msimu huu amekuwa na kiwango kizuri, katika mechi 2 zilizopita amefunga magoli 3, na huenda msimu huu akavunja rekodi yake binafsi ya kufunga magoli 19 kwenye La Liga. .
Benzema
 
Mara ya mwisho Real Madrid wamefunga goli dhidi ya Atletico Madrid katika ligi ilikuwa – October 2015 katika uwanja Calderon.
Siku hiyo, ilikuwa Karim Benzema ambaye alifungua ukurasa wa magoli lakini hilo lisikuchanganye – rekodi yake vs Atletico sio nzuri kabisa.
Mshambuliaji huyu wa kifaransa amefunga magoli 3 tu katika mechi 13 vs Vijana wa Simeone.
Katika timu zote 33 alizokutana nazo katika La Liga, Benzema amepiga idadi ndogo zaidi ya mashuti vs Atletico, pamoja na Alaves ambao amekutana nao mara tu.

Ronaldo
 
Cristiano Ronaldo ameshafunga magoli 8 vs Atletico katika miaka yake 7 aliyokaa Santiago Bernabeu mpaka sasa. Rekodi nzuri ukizingatia nafasi anayocheza.
Kwa CR7, mchezo wa jumamosi sio tu wa kuongeza namba ya magoli aliyofunga dhidi ya majirani zake, bali pia ni wakati muafaka wa kurudisha makali yake.
Msimu huu amefunga magoli 7 katika mashindano yote msimu huu, msimu uliopita alifunga idadi kama hii kwenye mechi 3 za kwanza.
Lakini Ronaldo, 31, ameshathibitisha ni mmoja ya walio bora na jumamosi hii atakuwa anatafuta goli lake la 8 vs mshindi wa tuzo ya Zamora wa msimu uliopita na golikipa bora kwenye ligi Jan Oblak.

Morata – mfungaji bora wa kikosi cha Real Madrid msimu huu, hatakuweko katika kikosi cha Zidane baada ya kugundulika kupata majeruhi kwenye mguu.

Mamilioni watakayopoteza Man United wakimaliza nje ya Top Four

Msimu uliopita Man United ilisaini deal la miaka 10 na kampuni ya michezo ya Adidas ya Ujerumani.
Udhamini ambao unatajwa kuwa na thamani ya pound milioni 750. Man United ilithibisha kwamba, malipo ya mwaka yatapunguzwa kwa asilimia 30 (zaidi ya pound milioni 20) endapo hawatamaliza katika nafasi zitakazowapa nafasi ya kushiriki michuano ya Champions League kwa mara ya pili mfululizo.
Kikosi cha Jose Mourinho kwa sasa kipo nafasi ya sita kwenye Premier League, pointi nne nyuma kutoka timu za top four.
Kuna kipengele kwenye mkataba wa Adidas kinachoelekeza kwamba, endapo tutamaliza kwenye nafasi zitakazotufanya tuwe nje ya Champions League kwa miaka miwili mfululizo tutakosa kiasi cha fedha kutoka kwenye udhamini,”
Baty pia amesema, Man United itapoteza kitita cha mamilioni kutoka Adidas kama watashindwa kufika hatua inayofuata ya michuano ya Europa League ya msimu huu.
Man United wapo nafasi ya tatu kwenye Kundi A, pointi moja kutoka kwa vinara wa kundi hilo huku zikiwa zimesalia mechi mbili kuhitimisha hatua ya makundi.

Jicho la 3: Baada ya kuwasaini, Lwandamina, Hans van der Pluijm, Yanga itatisha…

SIJUI uwezo wa kocha mpya wa Yanga SC, Mzambia, George Lwandamina lakini naamini kitendo cha uongozi wa timu hiyo kumng’ang’ania na kumshawishi mkufunzi raia wa Holland, Hans van der Pluijm kubaki klabuni hapo ni hatua kubwa ya kuendelea kusonga mbele kimpira kwa mabingwa hao mara mbili mfululizo wa ligi kuu Tanzania Bara.
Hans mshindi mara mbili wa VPL na kocha aliyeipa Yanga taji la FA Cup msimu uliopita, ikiwemo rekodi ya kuifikisha timu hiyo katika hatua ya makundi ya michuano ya Caf Confederation Cup 2016 kwa mara ya kwanza amekubali ‘kiroho safi’ kubadilishiwa majukumu, kutoka mkufunzi mkuu wa timu hadi kuwa Mkurugenzi wa Ufundi ndani ya kikosi cha mabingwa hao mara 26 wa kihistoria.
Nilishaandika sana kuhusu, Hans, uwezo wake wa kufundisha na kupata matokeo, ukarimu wake na namna alivyo na sifa za kiongozi bora.
Yanga ‘imelamba dume’ kwa mara nyingine na ushirikiano wa Hans kama Mkurugenzi wa ufundi na Lwandamina kama kocha mkuu ni sawa na ‘kunoa makali’ ya kisu kilichokuwa na makali. Yanga ‘watatisha.’
Ndani ya uwanja Yanga watakuwa bora zaidi ya vile ambavyo ingekuwa endapo Mholland huyo angeondoka kabisa katika kikosi hicho.
Wakati mwenyekiti wa klabu, Yusuph Manji akiendelea kuboresha safu ya utawala kwa kumuajiri, Mfaransa kama Mtendaji mkuu wa klabu bila shaka atakuwa ametambua thamani ya uongozi na mchango wa Hans katika maendeleo ya klabu.
Watu hawa wanne, makamu mwenyekiti, Clement Sanga na wajumbe wa kamati ya utendaji wakishikamana Yanga itapaa.
Wanachopaswa kufanya kwa sasa benchi la ufundi kwa kushirikiana na Hans ni kufanya maboresho kikosini hasa wakilenga timu ambayo watakuwa nayo katika michuano ya Caf Champions League 2017.
Lwandamina aliisaidia Zesco United kufika nusu fainali katika michuano ya mabingwa Afrika mwaka huu na Hans aliiongoza Yanga katika michezo 14 ya Champions league na Confederation hivyo wote watakuwa wakifahamu nini cha kufanya ili kuwa na timu bora zaidi katika michuano ya 2017 ambayo ukifika hatua ya timu 16 bora moja kwa moja timu itakuwa imefuzu kwa hatua ya makundi.
Yanga itakuwa na michezo 11 katika uwanja wa Uhuru katika game za mzunguko wa pili, hii ni faida kubwa kwao japokuwa watalazimika kupambana haswa ili kupata matokeo yatakayowasaidia kuhifadhi taji la VPL kwa mara ya 3 mfululizo.
Jambo la muhimu kwao hivi sasa ni kufanya tathmini ni aina gani ya wachezaji ambao wanapaswa kupunguzwa na kuongezwa ili kuendana na malengo wanayokusudia. Yanga inapaswa kumsaini kiungo wa kati mwenye uwezo wa juu zaidi ya waliopo sasa (hasa yule wa ulinzi).
Yanga inapaswa kusaini mlinzi wa kushoto wa kusaidiana na kina Mwinyi Hajji na Oscar Joshua ambao wakati mwingine majeraha yao yamekuwa yakiathiri kiwango cha ufanisi wa timu.
Yanga inapaswa kuwaongezea mikataba wachezaji wao wa kulipwa kama Vicent Bossou, Thaban Kamusoko, Donald Ngoma, Amis Tambwe na Haruna Niyonzima ambao kwa hakika nawatazama kama nguzo yao muhimu ndani ya uwanja.