Houston Rockets Wanaimarika, James Harden Hashikiki.

Inawezekana kwenye orodha yako hukumuweka James Harden katika nafasi za juu sana kati ya wale wanaoweza kuwania tuzo ya mchezaji bora na mwenye thamani zaidi wa mwaka yaani MVP. Lakini kocha mpya Mike D’Antoni alikuwa anafikiri tofauti.
James Harden amekuwa akichezeshwa katika nafasi ya Point Guard na amekuwa akifanya vyema sana kiasi cha kuonyesha utofauti kuliko ilivyotegemewa hapo awali.
Nyota huyu wa Houston Rockets amejikuta akipata msaada mkubwa kwa wenzake na hii inamfanya kujiamini zaidi katika nafasi yake na majukumu yake mapya.
Harden alimaliza mchezo dhidi ya Washington Wizards akiwa na pointi 32 na assist 15 ukiwa ni mchezo wake wa nne akiwa na walau pointi 30 na assist 10 na kuiongoza Rockets kushinda  114-106 alfajiri ya leo.
Ryan Anderson alikuwa na pointi 23, Trevor Ariza aliongeza 15 na Clint Capela akamaliza mchezo akiwa na pointi 14.
John Wall wa Washington Wizard alivunja rekodi ya Wes Unseld na kuwa mchezaji aliyetoa assists nyingi zaidi katika historia ya klabu hiyo kabla hajaondolewa mchezoni zikiwa zimebaki sekunde 33.3 na timu yake ikiwa nyuma kwa pointi 5 na sasa wana rekodi mbovu ya 1-5.
Wall aliondolewa mchezoni akiwa na pointi 21 na assits 8.

TFF KIBOKO, YAWEKA REKODI YA KUPANGA NA KUAHIRISHA MECHI MOJA NDANI YA SAA TATU

RAIS WA TFF, JAMAL MALINZI

Kuonyesha kweli Shirikisho la Soka Tanzania (TFF) haliko makini, ni baada ya kuipangia mechi ya Yanga dhidi ya JKT Ruvu kuchezwa kesho Jumatano, halafu ndani ya saa tatu, likaahirisha tena na kutoa taarifa itachezwa keshokutwa Alhamisi.

Mechi hiyo ya mwisho ya mzunguko wa kwanza wa Ligi Kuu Bara ilikuwa kiporo, TFF ikaipangia kuchezwa Jumatano na ikatoa taarifa kwa vyombo vya habari saa 9:31 Alasiri.

Lakini ilipofika Saa 12:33 ikiwa ni saa 3 na dakika 3, TFF ikatangaza kwamba mechi hiyo sasa itachezwa Alhamisi.

Hii ilikuwa ni baada ya JKT inayomilikiwa na Jeshi, kutia mkwara na kusema haitacheza mechi hiyo na TFF ikagundua iliboronga na kuufyata. 

Soma taarifa zote...

TAARIFA YA LEO SAA 12:33 JIONI

Wakati michezo miwili ya Ligi Kuu ya Vodacom Tanzania Bara ikifanyika kesho Jumatano Novemba 9, 2016, mchezo kati ya Young Africans na Ruvu Shooting utafanyika Alhamisi Novemba 10, 2016 kwenye Uwanja wa Uhuru, Dar es Salaam, imefahamika.

Mchezo huo umesogezwa mbele kwa siku moja kwa sababu Ruvu Shooting imechelewa kutoka Bukoba mkoani Kagera ambako Jumapili iliyopita ilicheza na Kagera Sugar katika mchezo mwingine wa Ligi Kuu ya Vodacom Tanzania Bara.

Shirikisho la Mpira wa Miguu Tanzania (TFF), limejiridhisha kuwa Ruvu Shooting imechelewa kuingia kituo cha Dar es Salaam, ndiyo maana mchezo dhidi ya Young Africans umesogezwa mbele.

Michezo mingine ya kesho Jumatano inahusisha timu za Mwadui ya Shinyanga na Azam FC ambayo ilipewa jina la Mechi Na. 57 itachezwa Uwanja wa Mwadui wakati Simba itasafiri hadi Mbeya kucheza na Tanzania Prisons katika mchezon Na. 60 Uwanja wa Kumbukumbu ya Sokoine.

Mechi zilipangiwa ratiba, lakini tarehe zake hazikupangwa (TBA). Tayari Bodi ya Ligi Kuu ya Vodacom (VPL), imewasiliana na wahusika kuhusu mabadiliko hayo.

Sababu ya kuvuta nyuma michezo hiyo ni kutoa nafasi ya maandalizi ya kambi ya timu ya Tanzania ‘Taifa Stars’ inayotarajiwa kusafiri Ijumaa wiki hii kwenda Harare Zimbabwe kwenye mchezo wa kirafiki wa kimataifa unaotarajiwa kufanyika Novemba 13, maka huu.

TAARIFA YA LEO SAA 9:31 ALASIRI

Zile mechi tatu za Ligi Kuu ya Vodacom Tanzania Bara za raundi ya Nane Duru la Kwanza, sasa zitafanyika kesho Jumatano Novemba 9, 2016.

Michezo hiyo inahusisha timu za Mwadui ya Shinyanga na Azam FC ambayo ilipewa jina la Mechi Na. 57 itachezwa Uwanja wa Mwadui wakati Simba itasafiri hadi Mbeya kucheza na Tanzania Prisons katika mchezon Na. 60 Uwanja wa Kumbukumbu ya Sokoine.

Mchezo mwingine utazitanisha Young Africans ya Dar es Salaam itakuwa mwenyeji wa Ruvu Shooting ya Pwani kwenye Uwanja wa Uhuru jijini katika mchezo Na.59.

Mechi zilipangiwa ratiba, lakini tarehe zake hazikupangwa (TBA). Tayari Bodi ya Ligi Kuu ya Vodacom (VPL), imewasiliana na wahusika kuhusu mabadiliko hayo.

Sababu ya kuvuta nyuma michezo hiyo ni kutoa nafasi ya maandalizi ya kambi ya timu ya Tanzania ‘Taifa Stars’ inayotarajiwa kusafiri Ijumaa wiki hii kwenda Harare Zimbabwe kwenye mchezo wa kirafiki wa kimataifa unaotarajiwa kufanyika Novemba 13, maka huu.

JKT RUVU YAISUSIA MECHI YA YANGA, KISA TFF KUVURUGA RATIBA

KIKOSI CHA JKT MSIMU HUU

Uongozi wa timu ya Ruvu Shooting umesema kwamba, timu yao haiko tayari kucheza mchezo wa ligi kuu kesho dhidi ya Yanga endapo Bodi ya Ligi/ TFF watashikilia msimamo wao wa mchezo huo kuchezwa kesho katika uwanja wa Uhuru, Dar es salaam.

Maamuzi hayo yamefikiwa na uongozi wa timu chini ya Mwenyekiti wake Kanali Charles Mbuge muda mfupi baada ya timu hiyo kuwasiri Mlandizi saa 4.15 asubuhi ya leo, Novemba 8,2016 ikitokea Kagera  ambapo Jumapili iliyopita, Novemba 6, 2016 ilicheza na Kagera sugar katika uwanja wa Kaitaba mjini Bukoba.

Mwenyekiti wa timu hiyo, Kanali Mbunge alisema, katika hali ya uchovu waliyonayo wachezaji baada ya kusafiri safari ndefu ya zaidi ya KM 1450 kwa basi na kutumia zaidi ya saa 22 kufika mwisho wa safari ni ajabu kufikia mchezo mwingine wa ligi bila kupumzika japo kwa saa chache.

Kanali Mbunge alisema, kuwapeleka wachezaji uwanjani kwa mazingira ya namna hiyo, si tu kuwachosha bali ni kuwasababishia madhara makubwa kiafya ambayo yanaweza kuwasababishia kifo, kwa hali hiyo akasisitiza kutoipeleka timu uwanjani kesho kucheza na Yanga katika uwanja wa Uhuru, Dar es salaam.

Aidha, Kanali Mbunge alisema, mbali na madhara ya kiafya kwa wachezaji, mchezo huo ukichezwa kesho, timu yake haitatoa ushindani wowote kwa timu pinzani kwani, wachezaji wamechoka sana, miongoni mwao wakiwa ni majeruhi ambao hawataweza kabisa kucheza mchezo huo kwa siku ya kesho.

Kanali Mbunge alisema, kuliko kuwaua wachezaji kwa kuwafanyisha kazi ngumu kama punda bila kupumzika, ni vema tupoteze pointi kwa kutopeleka timu uwanjani, hao wapinzani wetu wapewe huo ushindi wa chee.

Awali mchezo huo uliahirishwa kupisha mchezo wa Yanga wa Kimataifa na kupangwa uchezwe Novemba 10, mchezo huo ulibadilishwa na kupangwa uchezwe Novemba 11, baadaye ukabadilishwa tena ukapangwa Novemba 10, hatimaye jana ukabadilishwa na kupangwa uchezwe Novemba 9.

Sijaona sababu ya kuhairisha mechi hapa.c wanapata pesa za azma y hawapandi ndege? Ulaya wanacheza jpili na jnne au jtano.wanacheza.