MOURINHO AKITIMULIWA CHELSEA ATALPWA KIASI HIKI HAPA

Desemba imefika na hali ya mabingwa watetezi wa ligi kuu ya Uingereza inazidi kuwa mbaya. Baada ya kucheza mechi  16, wamepoteza 9 na mpaka sasa wana pointi 15 tu – presha ya kumtimua kocha Jose Mourinho inazidi kupanda.

Kwa mujibu wa vyanzo mbalimbali vya habari leo mchana manejimenti ya timu inayoundwa na  — Bruce Buck, Marina Granovskaia, Eugene Tenenbaum and Michael Emenalo — watakutana pamoja na Mmiliki Roman Abramovich kuamua hatma ya Mourinho.

 Roman Abramovich itampasa aingie mfukoni na kumlipa Jose Mourinho kiasi kisichopungua  £40million ikiwa menejimenti itaamua kumfukuza kazi leo Jumatano.

Wakati mreno huyo aliporejea katika klabu mwaka 2013, bodi ya menejimenti ilipiga kura 3-2 ili kumrudisha. Leo inaweza kuwa tofauti.

Kulipa fidia ya mkataba wa wake wa miaka minne unaomfanya alipwe £250,000 kwa wiki ni moja ya sababu kuu nyuma ya kusita kwa Chelsea kumtimua kazi Mourinho muda mfupi baada ya kusaini mkataba mpya.

Mourinho alikubali kuongeza mkataba mpya mwishoni mwa msimu uliopita lakini klabu ilisubiri mpaka mwezi August kabla ya kusaini mkataba mpya rasmi.

Baada ya kushinda ubingwa vizuri sana, Chelsea waliamini alikuwa kocha bora zaidi duniani na wakakubali kumuongezea mkataba wa miaka minne bila kukubaliana kuweka kipengele cha makubaliano endapo wakiamua kumtimua kazi. Sasa hivi endapo Abramovich atataka mreno aondoke itabidi amlipe fidia ya £40m – hii itakuwa mara ya pili Mourinho kulipwa fidia baada ya kufukuzwa na Chelsea.

 Mwezi September 2007 Roman alimlipa Mourinho na staff wake £16m wakati alipomtimua kazi, lakini baadae alimtumia kocha huyo gari la Ferrari ikiwa kama shukrani kwa kazi aliyofanya.

SAMATA NA ULIMWENGU WACHEZESHWA KWATA

Mshambuliaji wa TP Mazembe Mbwana Samatta (katikati) akiwatoka wachezaji wa Club America

Watanzania wanaokipiga kwenye klabu ya TP Mazembe ya nchini Congo DR wameshuhudia timu yao ikishindwa kupata ushindi kwa mara nyingine kwenye michuano ya FIFA Club Word Cup kufuatia kukubali kichapo kingine cha pili cha magoli 2-1 kutoka kwa Club America ya Mexico. Samatta na Ulimwengu wote walinza kwenye kikosi cha kwanza cha TP Mazembe dhidi Club America.

Magoli ya Dario Benedetto pamoja na Martin Zuniga yameipa America ushindi wa bao 2-1 dhidi ya TP Mazembe na kufanikiwa kuwa mshindi wa tano wa kwenye mashindano hayo mwaka 2015.

Mabingwa hao wa CONCACAF walichezea kichapo cha dakika za lala salama kutoka kwa Guangzhou Evergrande Taobao kwenye mchezo wao war obo fainali lakini shukrani zinaenda kwa Dario Benedetto na Martin Zuniga kwa kuisaidia timu yao kuibuka na ushindi.

Benedetto aliipa America bao la kuongoza dakika ya 20 kipindi cha kwanza na wakaongeza bao la pili kupitia Zuniga ambaye aliingia kipindi cha pili.

Rainford Kalaba aliifungia Mazembe bao la kufutia machozi kabla ya mapumziko lakini Club Amerika walionekana kutawala sehemu kubwa ya mchezo huo.

Matokeo hayo yanaiacha TP Mazembe ikiwa nafasi ya sita ikiambulia dola za kimarekani milioni moja wakati Club Amerika yenyewe imefanikiwa kumaliza mashindano hayo ikiwa nafasi ya tano na kujinyakulia dola la kimarekani milioni moja na nusu.

Timu ya Auckland City baada ya kufungwa na Sanfrecce Hiroshima kwenye mchezo wa kwanza wenyewe moja kwa moja wanashika nafasi ya saba na kutokana na kushika nafasi hiyo wanajinyakulia kitita cha dola laki tano za kimarekani.

MAISHA YA BADAE YA GUARDIOLA

Mustakabali wa kocha Pep Guadiola kuendelea kuifundisha Bayern Munich ama kutoendelea unatarajiwa kuwekwa wazi wiki ijayo mara baada ya mazungumzo na uongozi wa Bayern baada ya kumalizika kwa mchezo wa Bayern Munich na Hannover Jumamosi hii kisha kupisha mapumziko ya baridi ‘winter break’.

Mwenyekiti wa Bayern Munich Karl-Heinz Rummenige amesema kuwa kama walivyoahidi huko nyuma kwamba kutakua na mazungumzo na kocha huyo, sasa muda ni muafaka kwani watakaa pamoja mara baada ya mchezo wa Hannover jumamosi hii na kujua nini kinafuata.

Mkataba wa Guadiola unaishia mwisho wa msimu huu na tayari taarifa zinasambaa kwamba kocha huyo anaweza kuwa njiani kuelekea ligi kuu nchini England ambapo vilabu vya Manchester United na City vyote vinawinda huduma ya kocha huyo.

Manchester City imekua ikihusishwa zaidi na kumtaka kocha huyo ingawa miezi kadhaa iliyopita kuliibuka tetesi kwamba kocha huyo ana mahaba zaidi na klabu ya Manchester United kutokana na uhuru wa klabu hiyo kwa kocha lakini hasa akihofia tabia ya timu aina ya Manchester City ambazo hukosa uvumilivu na makocha mambo yanapokua tofauti.

Lakini awali huko nyuma aliwahi utaja mji wa London kuwa ni sehemu anayopenda kuishi akiwa nchini England, jiji ambalo zipo timu za Arsenal, Chelsea na Tottenham Hotspur.

UERO CLUB INDEX S YATABILI ARSENAL NDO BINGWA WA EPL MSIMU HUU

Leicester ni club ambayo inafanya vizuri hivi sasa kwenye EPL ambapo imekua tishio kwa club kubwa kwenye mechi zao mbalimbali. Kama sio kutoka suluhu basi lazima washinde mechi dhidi yao.

Arsenal itachukua ubingwa EPL na Leicester itacheza UEFA msimu ujao ni ripoti kutoka ECI ambacho ni kirefu chake ni Euro Club Index. Hawa jamaa wametoa listi yao ambayo imetoa matokeo jinsi ligi ya EPL itakavyoisha.

Matokeo hayo yanaonyesha kwamba Arsenal ndio itakua bingwa kwa msimu huu ikifuatiwa na Manchester City, Manchester United then Leicester City. Chelsea itamaliza kwenye nafasi ya 9 na Sunderland, Aston Villa na Norwich zitashuka daraja.

Concept ya ECI ili kupata matokeo haya ni kwamba wanatumia mechi za zamani za club hizo, performance ya wachezaji kwenye timu za taifa, mechi zao za sasa kwenye ligi na nyinginezo.

Mahesabu yao yanaendelea kuwa complicated sana hadi kufanya mahesabu ya mechi walizoshinda, walizofungwa hadi kwenye draw. Baada ya hapo wanachanganya na kupata matokeo kwa formula zao na ndio wakapata hii listi.

Mwisho wa siku mpira hauamuliwi kwa kutumia mahesabu ya kwenye karatasi bali kila kitu ni uwanjani. Huu hapa ni msimamo wa ligi jinsi ligi itakavyoisha kwa msimu huu

KAMUSOKO AIPELEKA YANGA KILELENI

Kiungo mshambuliaji wa Yanga Thabani Kamusoko

Kiungo mshambuliaji wa Yanga Thabani Kamusoko ndiye aliyeibuka shujaa mkoani Tanga baada ya kuisadia timu yake kuibuka na ushindi wa bao 1-0 dhidi ya African Sports ‘wanakimanu-manu’ wa jijini Tanga kwenye mchezo uliopigwa kwenye uwanja wa CCM Mkwakwani.

Iliwalazimu Yanga kupata bao dakika ya mwisho (90+5) kutokana na ugumu wa mchezo huo ambapo kwa muda wote Africans Sports walikuwa wamewabana Yanga vilivyo huku kila mtu akiamni mchezo huo utamalizika kwa sare ya bila kufungana.

Mzimbabwe Thabani Kamusoko aliipatia Yanga bao safi akiunganisha kwa style ya ‘bicycle kick’ pasi ya kichwa iliyopigwa na mshambuliaji Donald Ngomba na kuipa Yanga pointi tatu muhimu.

Yanga ambayo ilibanwa mbavu na Mgambo JKT kwenye mchezo wa Jumamosi, imefanikiwa kukusanya pointi nne kwenye mkoa wa Tanga baada ya kucheza mechi mbili. Mchezo wa kwanza Yanga ililazimishwa sare ya bila kufungana na Mgambo ikajikuta ikiambulia pointi moja lakini leo imepata pointi tatu dhidi ya African Sports.

Matokeo hayo yanaifanya klabu hiyo ya Jangwani kufikisha ponti 27 baada ya kucheza michezo 11 na kukaa kileleni mwa ligi kuu ya Vodacom Tanzania bara ikiiacha Azam ikiwa nafasi ya pili kwa ponti zake 26 ikiwa imecheza michezo 10.