KUHUSIANA NA SUALA LA FARID MUSSA KAMA ATASAJILIWA TENA AZAM, HII HAPA KAULI YA KLABU HIYO...

Pamoja na kwamba safari ya kiungo wa Azam, Farid Mussa kwenda Hispania katika Klabu ya Tenerife kuonekana kukwama kutokana na kiungo huyo kukosa hati ya kufanya kazi nchini humo, uongozi wa Azam FC umeweka wazi kwamba hauna mpango naye licha ya kwamba hana timu ya kuichezea mpaka sasa.

Farid ambaye aliuzwa na Azam kwenda Tenerife tangu mwanzoni mwa msimu huu wa ligi ulipoanza mpaka sasa ameshindwa kuitumikia timu hiyo inayoshiriki Ligi Daraja la Pili nchini humo kutokana na mabadiliko ambayo yamefanywa ndani ya timu hiyo.

Msemaji wa timu hiyo, Jaffar Idd amesema hawana mpango wa kumsajili Farid kwenye kipindi hiki cha usajili wa dirisha dogo na kumfanya aendelee kubaki hapa nchini kwani wao lengo lao ni kuona winga huyo anacheza soka la kulipwa.

“Ingawa tangu tuachane na Farid katika msimu uliopita na yeye kushindwa kucheza soka kokote pale mpaka sasa lakini katu jambo hilo halitufanyi tumsajili tena mchezaji huyo kwa muda huu kwa sababu tayari kila kitu kimeshakamilika kule kwenye timu yake na kinachosubiriwa ni wao wenyewe tu.

“Lengo letu ni kuona ndoto yake ya kucheza nje ya nchi inatimia na hilo ndilo tunalosimamia sisi na hata kama kwa muda huu ambapo hana timu yoyote ya kuichezea katu sisi hatuwezi kumsajili na kumrudisha kundini.

“Hata Hati ya Uhamisho wa Kimataifa (ITC) sisi tumeshatoa na hapo utaona lengo letu ni kutaka kuona anaondoka na kucheza huko kwa ajili ya kufungua milango kwa wengine kucheza soka la kulipwa,” alisema Jaffar.

SOURCE: CHAMPIONI

JELA YANUKIA KWA ETO'O, NI KUTOKANA NA ISHU YA UKWEPAJI KODI

Mshambuliaji wa zamani wa Barcelona, Samuel Eto’o anaweza kufungwa miaka 10 na kama atapatikana na hatia ya ukwepaji kodi nchini Hispania.

Eto'o ambaye ni mmoja wa wachezaji waliochukua tuzo ya Mwanasoka Afrika mara nne. Sasa anakipiga Antalya Spor wa Uturuki.

Mahakama nchini humo imeanza kusikiliza kesi ambayo tayari imeeleza kuda kitita cha cola million 15.1 kwa mshambuliaji huyo kwa madai alikwepa kodi wakati wakati akiichezea Barcelona.

Taarifa zimeeleza, mwakilishi wa Eto’o, Jose Maria Mesalles Mata ndiye anaweza kukutana na adhabu hiyo kama mwanasoka huyo raia wa Cameroon hatatokea.

Wilfried Bony kufata mapesa China

Kocha wa Stoke Mark Hughes ameelezea wasi wasi wake kwamba anaweza kumkosa mchezaji wake tena ikifika January. Pep alimruhusu Bony kusepa na kuanza ku-share mshahara wake wa £125,000 na Stoke city kwa wiki.
Dirisha la usajili linakaribia mwezi January na kuna kila dalili za Bony kuelekea China. Hughes amesema kwamba wameshakubali kwamba Stoke wanataka kumsajili kwa muda mrefu Bony lakini offer za China zinawapa wasi wasi.
Kutoka na hizo story za Bony kwenda china kocha alisema, “Kuna kitu cha ukweli kuhusu hili swala la Bony, mambo mengi yanatokea na ishu ya Bony kutaka kuondoka pia. Swala la yeye kuondoka kwenda huko lipo mikononi mwake.”
Kama Bony akihamia China atakua anaongeza idadi ya wachezaji wa Africa ambao wapo kwenye Super League ya China. Ligi hii inaonekana exclusive kwenye king’amuzi cha Startimes tu.

Antoine Griezmann na safari ya kwenda Manchester.

Moja ya usajili ambao unasuburiwa kwa hamu na mashabiki wa Manchester united ni wa mchezaji Antoine Griezmann akitokea Atletico Madrid. Rais wa Atletico amesema hivi karibuni kwamba mchezaji wake hana mpango wa kwenda kokote zaidi ya kubaki hapo hapo kwenye club yake ya sasa.
Sasa connection na ushawishi wa club ya Manchester united unaendelea kuonekana hadi kwenye level za familia ya Griezmann. Antoine amekua bila wakala kwa muda sasa akiwa anategemea ushauri wa familia yake kudanya maamuzi yake ya kisoka.
Sasa kaka yake ameonyesha kwamba yeye ni shabiki mkubwa wa Manchester united hasa Wayne Rooney. Mapenzi hayo ameonyesha wakati Manchester wanacheza mechi dhidi ya Feyenoord. Theo Griezmann mtu wa karibu kabisa na Antoine alikua ana tweet live wakati mechi inaendelea akionekana kum-pusha Wayne Rooney aendelee kusukuma gozi uwanjani.
Moja ya tweet zake aliandika, “Come onnn!!!! ROONEY”. Kwenye tweet nyingine pia adhihirisha yeye ni shabiki wa Manchester kwa kuandika ,”Let’s go man united”.

Baada ya tweet hizi jamaa ameanza kuwa maarufu huku mashabiki wa Manchester united wakimjibu tweet zake na kumwambia namba 7 ya Manchester united inamsubiri mdogo wake. Kwasababu Antoine anategemea ushauri wa karibu wa familia yake kwenye mambo yake ya soka. Inategemewa kwamba ushawishi wa kaka yake unaweza kuchangia star huyu kujiunga na kikosi cha O.T.

KRC Genk imefuzu hatua ya mtoano Europa League

Ushindi wa bao 1-0 iliopata KRC Genk dhidi ya Rapid Wien unaipa nafasi timu hiyo inayotumikiwa na Mbwana Samatta kufuzu moja kwa moja hatua ya mtoano ya Europa League msimu huu.
Bao pekee la ushindi katika mchezo huo lilifungwa na mshambuliaji raia wa Ugiriki Nikolaos Karelis dakika ya 11 tangu mchezo kuanza.
Nahodha wa timu ya taifa ya Taifa Stars Mbwana Samatta, aliingia uwanjani dakika ya 84 akitokea benchi kuchukua nafasi ya mfungaji wa bao Nikolaos Karelis.
Matokeo hayo yanaifanya KRC Genk kufikisha jumla ya pointi 9 baada kucheza mechi 5 za Kundi F na kuongoza kundi hilo kwa tofauti ya magoli mbele ya Athletic Bilbao ambao wanalingana kwa idadi ya pointi na mechi walizocheza.

Genk inasubiri kucheza mechi yake ya mwisho ya hatua ya makundi itakayoamua timu ipi itaongoza Kundi F wakati Sassuolo na Rapid Wien zenyewe zikisubiri kukamilisha ratiba kwasababu tayari zimeshatupwa nje ya mashindano hayo.

Rooney kaweka rekodi mpya ndani ya Manchester United

Wayne Rooney ameweka rekodi ya kufunga magoli mengi ndani ya Manchester United kwenye michuano ya Ulaya wakati wakitoa kichapo cha magoli 4-0 mbele ya Feyenoord na kuendelea kuweka matumaini ya kusonga mbele kwenye michuano ya Europa League.
Nahodha huyo wa mashetani wekundu alifunga bao lake la 39 kwenye michuano ya Ulaya ndani ya klabu yake wakati akiunganisha pasi ya Zlatan Ibrahimovic  na kuwaacha wachezaji wa Feyenoord wakilaumu kuwa mfungaji alikuwa kwenye eneo la offside.

Rooney akatengeneza bao la pili ambalo lilifungwa na Juan Mata.

Baadaye golikipa wa zamani wa Liverpool alijifunga wakati akiwa katika harakati za kuokoa krosi ya Ibrahimovic kabla ya Jesse Lingard kufunga biashara dakika majeruhi na kumpa Jose Mourinho ushindi mkubwa akiwa kama bosi wa United.
Sare au ushindi wa ugenini dhidi ya Zorya Luhansk kwenye mchezo wa mwisho wa Kundi A siku ya Alhamisi Disemba 8, itaifanya United kufuzu hadi hatua ya 32 bora.

• Kipigo hiki ndio kikubwa kwa Feyenoord kwenye Uefa Cup/Europa League. Walipoteza 5-1 dhidi ya Borussia Monchengladbach mwaka 1986.

• Juan Mata amefunga mfululizo kwenye mechi za United kwa mara ya kwanza tangu Septemba 2015.

• United walipiga mashuti 12 yaliyolenga goli (shots on target) dhidi ya Feyenoord, mashuti yao mengi zaidi ndani ya mchezo mmoja kwenye michuano yote msimu huu.

• Feyenoord, wameshinda mechi moja tu kati ya mechi zao saba zilizopita walizocheza England kwenye michuano ya Ulaya (D2 L4).

• United hawajapoteza mechi 14 za mashindano ya Ulaya kwenye uwanja wa Old Trafford (pamoja na mechi za kufuzu), wameshinda mechi zote tatu za hatua ya makundi msimu huu.

Arsene Wenger amesema hakuna haja ya kupanic baada ya mechi ya PSG.

Manager wa Arsenal amewambia mashabiki wa club yake kwamba haina haja ya kupanic baada ya kutoa draw na wakiwa kwenye harakati za kumaliza juu ya group lao la UEFA.
Manager Wenger alisema,“Haina haja ya kupanic kwasababu hatujapoteza mechi lakini tumepoteza kasi ya ushindi kidogo kwenye group letu. Nadhani tuna hali nzuri kwenye timu yetu. Kwa sasa hivi tuna asilimia 90 za kumaliza nafasi ya pili na hatujapoteza mechi yoyote. Itakua mbaya kutomaliza namba moja kwenye group letu?, sijui. Kitu kinachoniumiza ni kwamba tulitakiwa kushinda mechi lakini hatujashinda “.
Mechi inayofuata ya Arsenal kwenye UEFA ni dhidi ya FC Basel ambayo itafanyika 6/12/2016 kwenye uwanja wa St Jakob Park huko Basel. Mechi iliyopita Arsenal walishinda kwa magoli 2-0 kwenye uwanja wa Emirates.

El Hadji Diouf amchana Steven Gerrard

Baada ya Steven Gerrard kutangaza rasmi amechana na maisha soka wachezaji wengi wametumia nafasi mbalimbali kumpa pongezi kwa maisha yake ya soka. Mashabiki wa Liverpool wengi walimshukuru kwa muda mrefu ambao amekua kiongozi wa timu yao.
Lakini kwa mchezaji mmoja Diouf amesema kwamba Gerrard alikua mtu wa kujikweza na mbaguzi. Diouf na Gerrard walikaa pamoja Anfield kwa muda wa miaka miwili ambapo Diouf alikua ana struggle ku prove.
Kwenye kitabu cha Gerrard, Diouf alizungumziwa kama mtu ambae hakujali kuhusu soka wala Liverpool. Diouf ambae kwa sasa anamiaka 35 akiongea na Tv moja huko Ufaransa alisema kwamba Gerrard ni mtu ambaya hana heshima juu yake.
“Yule jamaa sina heshima juu yake kabisa. Wakati naingia Liverpool kuna watu ambao niliambiwa sitawagusa kwa njia mbalimbali. Mimi niligusa kwa njia zote kwenye vitu mbali mbali ambavyo watu wengine hawakujaribu kufanya hata kidogo. Ndio maana kwangu mambo yakawa magumu.”
Mtangazaji akamuuliza unamzungumzia Stevie G and Jamie, Diouf akajibu,“Ndio hao hao wawili na kuhusu yeye kutaka mimi kuwa Liverpool mimi sikuenda pale kununua nyumba na kuisha pale maisha yangu yote. Nimepita, kila muda ambao alipojaribu kujifanya nyeye ni kila kitu nilimuonyesha yeye sio kitu”

OFFICIAL: Lwandamina akabidhiwa Yanga

Geroge Lwandamina ametambulishwa rasmi kuwa kocha mpya wa Yanga SC akirithi nafasi ya kocha wa zamani wa klabu hiyo Hans van der Pluijm ambaye amepewa majukumu mapya ya kuwa Mkurugenzi wa Ufundi ndani ya klabu hiyo inayotetea ubingwa wake wa VPL ilioutwaa msimu uliopita.
Lwandamina amesaini mkataba wa miaka miwili utakaomuweka Jangwani.

Makamu Mwenyekiti wa Yanga Clement Sanga amewatambulisha wawili hao ndani ya makao makuu ya klabu ya Yanga na kumkabidhi Lwandamina jezi ya Yanga ikiwa ni ishara ya utambulisho na kumkaribisha ndani ya klabu.
Pluijm pia ametangazwa rasmi kuchukua majukumu mapya ya kuwa Mkurugenzi wa Ufundi akiachana na masuala ya ukocha ndani ya klabu hiyo aliyoipa mafanikio makubwa ikiwa chini yake kama kocha mkuu.

Lwandamina amekabidhiwa klabu ikiwa nafasi ya pili kwenye msimamo wa ligi kuu Tanzania bara pointi mbili nyuma ya vinara wa ligi Simba ambao wanapointi 35 baada ya mzunguko wa kwanza kumalizika.
Kocha huyo (Lwandamina) aliifikisha Zesco United hatua ya nusu fainali kwenye michuano ya klabu bingwa Afrika msimu uliomalizika hivi karibuni, atakuwa na kibarua kuhakikisha anatetea taji la VPL, Azam Sports Federationa Cup (FA Cup) pamoja na kuhakikisha Yanga inafanya vizuri kwenye michuano ya kimataifa ambapo msimu uliopita ilifika hatua ya makundi ya kombe la shirikisho Afrika chini ya Pluijm.