HESHIMA KWAKE HUYU SHABIKI WA HISPANIA ASIYEONA, LAKINI YUKO UWANJANI KILA MECHI

Heshima kwake huyu shabiki wa Hispania ambaye hana uwezo wa kuona, lakini amekuwa akijitokeza uwanjani kuishangilia timu yake ya taifa.

Shabiki huyo amesafiri kutoka Hispania hadi Ufaransa kuiunga mkono Hispania katika mechi za Kombe la Euro ambayo ni mtetezi.

Kawaida amekuwa akibaki kifua wazi na kuandika maneno haya: “Sioni, lakini nasikia furaha.”

LEBRON AFANYA YAKE, AMPIGA BAO CURRY NA KUIPA CAVALIERS UBINGWA WA NBA

Nyota wa kikapu LeBron James amekamilisha ndoto yake ya kuiwezesha timu yake ya Cavaliers kubeba ubingwa wa Ligi ya Mpira wa Kikapu nchini Marekani maarufu kama NBA.

Cavaliers wamewatwanga wapinzani wao wakubwa Golden State Warriors kwa point 93-89 na kufanikiwa kushinda mchezo wa mwisho wakiwa ugenini.

Ilikuwa ni mechi ya kukata na shoka na Cavaliers walionyesha wamepania kufanya makubwa ugenini licha ya nyota Stephen Curry kuonekana kikwako kwao.

Kwa mara nyongine, James aliibuka bora katika mechi hiyo baada ya kumaliza akiwa na pointi  27 points, asisti 11 na ribaundi 11.

RONALDO NDIYO MWENYE REKODI MBOVU ZAIDI YA KUPIGA MIKWAJU YA FAULO EURO

Nahodha wa Ureno, Cristiano Ronaldo ndiye mwanasoka mwenye rekodi mbovu ya upigaji faulo.

Ronaldo anaonekana hajawahi kufunga bao la faulo katika mechi za Euro 2016 licha ya kwamba amepiga mikwaju 34.

Kawaida Ronaldo anaonekana ni kati ya wapigaji hatari wa mipira iliyokufa, lakini anaonekana ameshindwa kufanya vizuri kwenye Euro.

YANGA YASHINDWA KUTAMBA KWA WAARABU

Mabingwa wa soka la Tanzania bara Yanga SC wameanza vibaya kampeni zao za kuwania kombe la Shirikisho Afrika baada ya kupoteza mchezo wao wa kwanza kwa bao 1-0 dhidi ya MO Bejaia ukiwa ni chezo wa Kundi A.
Yassin Sahli alifunga bao pekee kwenye mchezo huo na kuipa pointi tatu MO Bejaia iliyokuwa ikicheza kwenye uwanja wake wa nyumbani Stade de I’Unite Maghrebine mjini Bejaia, Algeria.

Matokeo hayo yanaiacha Yanga katika nafasi ya tatu huku TP Mazembe wakiwa ndiyo vinara wa Kundi baada ya kushinda mchezo wao kwa magoli 3-0 dhidi ya Medeama ambayo inaburuza mkia.
Mazembe na MO Bejaia zinapointi sawa (pointi tatu) lakini TP Mazembe anaongoza kundi kwa tofauti ya magoli wakati Yanga na Medeama zikiwa hazina pointi lakini Yanga inakaa nafasi ya tatu kwa tofauti ya magoli. Medeama imefungwa magoli matatu wakati Yanga wameruhusu bao moja pekee.

Mchezo ujao wa Yanga utakuwa nyumbani (Dar es Salaam) June 28 itakapowaalika TP Mazembe kwenye uwanja wa taifa.

HATA UMLETE NANI NA UMLETE NANI, TAMBWE ASEMA ATAENDELEA KUNG'ARA TU, UNAJUA KWA NINI?

Sasa ni siku chache tu baada ya Yanga kufanikiwa kumsajili, Obrey Chirwa raia wa Zambia, mpachika mabao wa timu hiyo, raia wa Burundi, Amissi Tambwe, amedai kuwa hana wasiwasi na ujio wa nyota huyo kikosini hapo.

Yanga imemleta Chirwa kutoka FC Platinum ya Zimbabwe ili kuimarisha safu yake ya ushambuliaji.

Tambwe ambaye ni mfungaji bora wa Ligi Kuu Bara msimu uliopita baada ya kupiga mabao 21, amesema anajiamini na ana uhakika wa kubakia katika kikosi cha kwanza cha Yanga endapo kocha mkuu wa timu hiyo, Mholanzi, Hans van Der Pluijm atapenda.

“Sina wasiwasi na nafasi yangu kwani najiamini na Mungu akipenda nitaendelea kuwa kikosi cha kwanza na nitazidi kufanya vizuri kama ilivyokuwa msimu uliopita.

“Naongea hivyo kwa sababu najiamini na ninajua nini ninachokifanya, kwa hiyo sihofii mchezaji yeyote ila nawapongeza Yanga kwa usajili wa Chirwa kwani tunachotaka sisi ni mafanikio, hivyo nitashirikiana naye kwa kila jambo kama nilivyokuwa nikishirikiana na (Donald) Ngoma,” alisema Tambwe.

LEBRON AFANYA YAKE, AMPIGA BAO CURRY NA KUIPA CAVALIERS UBINGWA WA NBA

Nyota wa kikapu LeBron James amekamilisha ndoto yake ya kuiwezesha timu yake ya Cavaliers kubeba ubingwa wa Ligi ya Mpira wa Kikapu nchini Marekani maarufu kama NBA.

Cavaliers wamewatwanga wapinzani wao wakubwa Golden State Warriors kwa point 93-89 na kufanikiwa kushinda mchezo wa mwisho wakiwa ugenini.

Ilikuwa ni mechi ya kukata na shoka na Cavaliers walionyesha wamepania kufanya makubwa ugenini licha ya nyota Stephen Curry kuonekana kikwako kwao.

Kwa mara nyongine, James aliibuka bora katika mechi hiyo baada ya kumaliza akiwa na pointi  27 points, asisti 11 na ribaundi 11.

UNATAMANI KUWA MCHEZAJI WA AZAM FC? SOMA HAPA

Wakati pazia la usajili likiwa limefunguliwa juzi Jumatano, uongozi wa Azam umetamka hadharani kuwa hautakuwa na muda wa kufanya usajili wa ndani kama ambavyo wamekuwa wakifanya na badala yake watajikita katika kuibua vipaji vya wachezaji wao vijana kutoka kikosi B kwa ajili ya kuwapa uzoefu.

Kwa kipindi kirefu Azam imekuwa ikifanya usajili wa wachezaji ambao tayari wana uzoefu na ligi kuu ambapo msimu uliopita waliwanasa Ramadhan Singano ‘Messi’ kutoka Simba na Ame Ali ‘Zungu’ kutoka Mtibwa.

Msemaji wa Azam, Jaffar Idd, amesema kuwa maamuzi hayo yameamuliwa na viongozi wa timu hiyo baada ya kuona kuwa wachezaji hao hawana msaada mkubwa ndani ya kikosi hicho kutokana na wengi kucheza bila ya mapenzi.

 “Kwa msimu huu tumeazimia kutofanya usajili wa wachezaji wa ndani, badala yake tutajikita zaidi katika kupandisha wachezaji kutoka kikosi B ambao tumeona sasa ni muda wao muafaka kuwatangaza.

“Maamuzi hayo yamekuja baada ya kuona kuwa hawa tunaowasajili mara nyingi wamekuwa wakicheza bila kujituma kuipigania timu na mwishowe tunakuja kuwaacha tu,” alisema Jaffar.   

LIVE KUTOKA BEJAIA: MO BEJAIA 1 VS YANGA 0 (FULL TIME)

MPIRA UMEKWISHAAAA
DAKIKA 4 ZA NYONGEZA
Dk 90, Mwinyi anapewa kadi ya pili ya njano ambayo inazaa kadi nyekundu. Ilikuwa ni baada ya kucheza rafu kwa kumkwatua kwa nyuma mchezaji wa Bejaia

SUB Dk 85, Tambwe anakwenda nje na nafasi yake inachukuliwa na Matheo Anthony
Dk 81 sasa, mechi imeanza kuchezwa. Bado Bejaia wanaonekana kucheza pasi nyingi na taratibu kwa lengo la kulinda lango lao.

Dk 79, Waarabu wanaanza vituko, taratibu kila mmoja anaanza kujiangusha kila baada ya dakika chache, ili kupoteza. Wale watu wa huduma ya kwanza na wenyewe nao wanaingia kwa mwendo wa maringo kabisa.

Dk 76, Yanga wanafanya shambulizi kali kabisa, Tambwe anaingia vizuri na kupiga krosi safi lakini MWashiuya anaipoteza hapa, hakutulia na ilikuwa nafasi nzuri kabisa kwa Yanga
SUB DK 72, Yanga wanamtoa Kaseke na nafasi yake inachukuliwa na Mwashiuyaa

Dk 70, Twite anafanya kazi ya kuokoa na mpira unakuwa wa kurushwa

Dk 66, Yanga wanaonekana kuamka na kufanya shambulizi. Msuva anajaribu kuingia lakini Bejaia wanaokoa hapa
Dk 61, Yanga inapata kona ya kwanza, Msuva anachoka safi, Bejaia wanaokoa inakuwa kona nyingine, inachongwa tena na Msuva wanaokoa tena 
Dk 59, Msuva anapata nafasi lakini akiwa mbali ya lango, anapiga shuti kali kabisa, mpira unatoka juuu

Dk 57, Bejaia wanaonekana kuupoza mchezo, inawezekana wanataka kufanya shambulizi la kushitukiza
Dk 54, mpira unasimama kwa zaidi ya dakika moja hivi kwa kuwa mashabiki wanarusha fataki
Dk 53, Yanga wanacheza vizuri kwa kugongeana, Niyonzima kwake Tambwe, anamuachia KAseke lakini anapiga shuti mtoto kabisa
Dk 49, Bossou anakuwa mzito na analazimika kuutoa mpira na kuwa kona, imechongwa na kuokolewa, unakuwa mpira wa kurusha lakini wanatoa nje Bejaia na kuwa goal kick
Dk 47, mechi imeanza kwa kasi na Bejaia wanaonekana kuanza na ile kasi kama ya kipindi cha kwanza mwanzoni

MAPUMZIKO
DAKIKA 2 ZA NYONGEZA
Dk 44, Ngoma analambwa kadi ya njano kwa kucheza madhambi, sasa wachezaji wawili wa Yanga wana kadi mbili za njano
Dk 43 Bejaia wanapata mpira wa adhabu wanauchonga lakini unaokolewa na mabeki wa Yanga na kuwa mpira wa kurushwa

Dk 41, Yanga wanapata kona lakini inachongwa haina manufaa. 
Dk 36 sasa, mpira zaidi unachezwa katikati ya uwanja. Lakini Yanga wanaonekana kuwa makini ingawa wao hawajasukuma mashambulizi ya uhakika
SUB Dk 32, Haji Mwinyi anaingia kuchukua nafasi ya Oscar Joshua aliyeumia

Dk 30 Joshua anatolewa nje baada ya kuumia, anapata matibabu
KADI Dk 27, Twite analambwa kadi ya njano
Dk 26, mpira unasimama kwa muda kwa kuwa mchezaji mmoja wa Bejaia ameumia
DK 24, Tambwe anawekwa chini lakini mwamuzi anasema endeleeni

GOOOOOOO Dk 21 Bejaia wanaandika nao la kwanza kupitia Yacine Salhi ambaye aliunganisha krosi vizuri kabisa, na mashabiki wao wanasherekea kwa nguvu kabisa
Dk 19, kidogo Bejaia wanaonekana kuwa na kasi na kushambulia mara nyingi zaidi. Yanga wanalazimika kuwa makini na krosi za Bejaia maana wana watu warefu

Dk 18, kona inachongwa kwenye lango la Yanga lakini Bossou anaondosha hatari langoni
Dk 15, Kaseke anashindwa kuiwahi pasi nzuri kabisa. Kama angeiwahi, basi ingekuwa nafasi nzuri kwa Yanga
Dk 13, Dida anafanya kazi ya ziada kuokoa kwa shuti kali la karibu kabisa

Dk 8, Ngoma anaingia vizuri anaangushwa hapa. Mwamuzi anasema ni faulo, Niyonzima anapiga vizuri kabisa lakini mabeki wa Bejaia wanaondosha
Dk 4, Bejaia wanaonekana kuwa na hamu ya kufunga kwa kuwa wanapiga pasi za haraka haraka lakini Yanga wako makini
Dk 2, Mechi imeanza kwa kasi na sasa ni dakika ya 2, Bejaia wanaonekana kuanza kwa kasi kulishambulia lango la Yanga.

KIKOSI:

1: Deo Did a

2: Mbuyu Twite

3: Oscar Joshua

4: Kelvin Yondani

5: Vicent Bossou

6: Thabani Kamusoko

7: Simon Msuva

8: Harouna Niyonzima

9: Donald Ngoma 

10: Hamic Tambwe

11: Deus Kaseke

SUBSTUTE:

- Ally Bathez

- Mwinyi Ngwali

- Pato Ngonyani

- Antony Matheo

- Juma Makapu

- Godfrey Mwashiuya