PAN AFRICA FC NA CHANGANYIKENI FC KUSAKA NAFASI YA KUCHEZA LIGI YA MABINGWA WA MKOA

MSEMAJI WA DRFA, OMAR KATANGA (KUSHOTO)...

Baada ya kumalizika kwa michuano ya ligi ya mkoa wa Dar es salaam na timu za FFU na Zakhem kumaliza katika nafasi ya kwanza kwenye makundi yao,kesho 20/03/2015 utapigwa mchezo mmoja wa kusaka nafasi ya kuungana na mabingwa hao kushiriki michuano ya ligi ya mikoa.

Mchezo huo wa mtoano utakaopigwa katika uwanja wa Mizinga Kigamboni,utazikutanisha timu za Pan Africa dhidi ya Changanyikeni ambazo zimemaliza katika nafasi ya pili kwenye makundi yao.

Kwa mujibu wa kamati ya mashindano ya chama cha kandanda mkoa wa Dar es salaam,DRFA,baada ya kumpata mshindi katika mchezo huo, majina ya timu hizo tatu yatapelekwa shirikisho la soka la Tanzania TFF.

Aidha, kamati hiyo chini ya mwenyekiti wake Kenny Mwaisabula,imewashukuru mashabiki waliojitokeza kwa wingi kwenye viwanja mbalimbali kushuhudua michuano ya ligi mkoa wa Dar es salam tangu ilipoanza kutimua vumbi.

MOURIHNO NDIYE MWENYE MKWANJA MREFU ZAIDI

Kocha Jose  Mourinho wa Chelsea ndiye kocha anaingiza fedha nyingi zaidi duniani.

Mourinho ameweza kuingiza hadi kitita cha pauni milioni 13.2 kwa mwaka huku akifuatiwa na Carlo Ancelotti wa Real Madrid aliyeingiza pauni milioni 11.

10 BORA YA MAKOCHA WENYE UTAJIRI MKUBWA
1. Jose Mourinho £13.2m

2. Carlo Ancelotti £11.4m

3. Pep Guardiola £11.2m

4. Arsene Wenger £8.3m

5. Louis van Gaal £7.3m

6. Fabio Capello £6.6m

7. Andre Villas-Boas £6.2m

8. Sven-Goran Eriksson £5.9m

9. Jurgen Klopp £5.3m

10. David Moyes na Laurent Blanc £5.1m

Source: France Football Rich List

YANGA YAWAUA JKT RUVU TAIFA

MPIRA UMEKWISHA
Yanga wanaonekana kupoteza muda huku JKT angalau wakijitahidi kutafuta angalau bao la pili
DK 90+2
DK 90 Javu anajaribu shuti lake la kwanza baada ya kupokea pasi ya Nizar, hata hivyo mpira unapaa juuu

Dk 88 Nizar anaingia kuchukua nafasi ya Niyonzima aliyeumia

Dk 83 Haruna Shamte anapewa kadi ya njano kwa kumfanyia madhambi Ngassa.


Dk 80, Kamuntu anaruka mbele ya Twite na kupiga kichwa lakini kinakuwa hakina madhara. Wakati anainuka anafanya kitendo ambacho si cha kiungwana kwa kumpiga kiwigo.


Dk 75, Magulu anapiga shuti kali lakini Barthez anaonyesha ujuzi kwa kudaka kwa ufundi mkubwa.


Dk 74 Yanga wanamtoa Tellela anaingia Hassan Dilunga, wanamtoa Mrwanda anaingia Hussein Javu na JKT wanamuiniza Najib Maguku kuchukua nafasi ya Alex Abel. 

Dk 70, Niyonzima anapiga shuti safi lakini kipa Haule anaonyesha ujuzi kuokoa.
Dk 64, JKT wanaingia eneo la hatari lakini Makwaya anakuwa na haraka na mpira unaishia kwa Cannavaro anayeondoka hatari.

Dk 60, Ally Bilal anaingia kuchukua nafasi ya Amos Mgisa kwa upande wa JKT
Dk 59, Kamutu analambwa kadi ya njano kwa kumfanyia Ngassa rafu ya makusudi kabisa.


GOOOOOO Dk 56 Msuva anafunga bao la tatu baada ya Telela kugongeana na Ngassa aliyempa pasi safi mfungaji.


Dk 53 Damas Makwaya analambwa kadi ya njano kwa kujiangusha.Dk 51, kama kawaida, Msuva anapewa pasi nzuri na Mrwanda lakini anashindwa kufunga kwa kupaisha juu.


Kipindi cha pili kinaanza kwa kasi kila timu ikiwa imepania kushinda. Kidogo JKT wanaonekana kuchangamka.
MAPUMZIKO:

Dk 45, Samuel Kamuntu anaifungia JKT bao safi kwa shuti kali baada ya mabeki wa Yanga kuzubaa.

Dk 43 Yanga wanaonekana kumiliki mpira zaidi huku JKT wakitumia muda mwingi kukaba.


GOOOOOOOO Dk 41, Mrwanda anaifungia Yanga bao la pili baada ya kuwatoka mabeki wawili, akatoa pasi kwa Msuva ambaye anapiga krosi safi kwa mfungaji.

Dk 39, Mbaga naye anapata nafasi baada ya kuingia kwenye box, lakini anashindwa kutulia na kupiga shuti hovyooo

Dk 35, Msuva anapata krosi nzuri ya Juma Abdul, akiwa yeye na kipa hatua nne kutola langoni, anapiga kichwa lakini anashindwa kulenga.


GOOOOOOOO Dk 33 Msuva anafunga penalti hiyo vizuri kabisa na kumfikia mshambuliaji Didier Kavumbagu....


PENAAAAAT Dk 33 beki Makwaya anashika eneo la hatari na mwamuzi anaamuru penati ipigwe
Dk 29&32, JKT wanaonekana kubaki nyuma zaidi na hakuna mashambulizi yoyote wanayofanya huku wakibakiza mabeki wanne nyuma na kushambulia kwa kushitukiza lakini hawana shambulizi lolote kali.


Dk 28, Ngassa naye anapewa kupiga mpira wa faulo, vilevile naye anapaisha juuu
Dk 25, Joshua anapiga mkwaju wa faulo lakini anapaisha juuuu..
Dk 22, Ngassa anapoteza nafasi ya wazi akiwa yeye na kipa baada ya krosi nzuri ya Juma Abdul aliyekuwa amewatoka mabeki wa JKT.


Dk 20, Ngassa anawatoka mabeki wa JKT na kupiga shuti ambako linapanguliwa na kipa Benjamin Haule na mabeki wake wanaondosha hatari.

DAKIKA YA 1 hadi 15 Yanga ndiyo wanaonekana kujipanga zaidi kwa kufanya mashambulizi mengi.

Hata hivyo inaonekana wachezaji wa Yanga pia hawako makini sana katika umaliziaji. Bado mchezo pia haujachangamka kwa kiasi kikubw

msuva ampiku kavumbagu kwa mabao

Kiungo mwenye kasi wa Yanga, Simon Happygod Msuva amefikisha mabao 11 baada ya kufunga mawili leo.

Msuva amefunga bao lake la 11 katika mechi ya Ligi Kuu Bara dhidi ya JKT Ruvu kwenye Uwanja wa Taifa jijini Dar.

Msuva alianza kufunga bao la katika dakika 34 kwa mkwaju wa penalti na kufanikiwa kumfikia mshambuliaji Didier Kavumbagu wa Azam FC. Lakini baadaye akafunga bao la tatu kwa Yanga leo na la pili kwake hivyo kufikisha mabao 11.

Kavumbagu raia wa Burundi amekuwa akiongoza kwa ufungaji tokea kuanza kwa ligi hiyo.

CHEKA HURU URAIANI

Bondia nyota zaidi nchini, Francis Cheka ameachiwa huru.

Cheka ameachiwa huru baada ya kushinda rufaa yake aliyokata kupinga kifungo cha miaka mitatu gerezani.

Tayari Cheka alianza kutumikia kifungo hicho mjini Morogoro.

Lakini taarifa za uhakika zinasema ameachiwa leo baada ya kushinda rufaa hiyo.

“Tayari ameachiwa, lakini tunashughulikia masuala kadhaa kumalizia ishu hiyo. Ila tayari yuko nje,” alisema Kaike Siraju, promota wa ngumi za kulipwa aliyekuwa akipambana kuhakikisha Cheka anatoka.

Cheka alihukumiwa kwenda jela baada ya kumtwanga na kumuumiza meneja wa baa yake mjini Morogoro akimtuhumu kumsababishia hasara.

KAMA YANGA ITAITOA FC PLATNAM ITAKUTANA NA HUYU AU HAWA

BENFICA DE LUANDA

Tayari Yanga ina ushindi wa mabao 5-1 dhidi ya FC Platinum ya Zimbabwe. Lakini kuna mechi ya pili itakayopigwa kati ya Aprili 3 hadi 5 ndiyo itatoa majibu.

Iwapo Yanga itafuzu, basi itakuwa na kibarua kigumu zaidi katika michuano hiyo ya Kombe la Shirikisho kwa kuwa inatarajia kukutana na timu kutoka Tunisia au Angola.

ESS..

Etoile du Sahel (ESS) ya Tunisia au Benfica ya Angola, moja itakayoshinda. Basi ndiyo itakutana na Yanga.

Tayari Etoile wameshinda mechi yao ya kwanza nyumbani kwa bao 1-0 lakini lazima wasubiri pia mechi ya ugenini jijini Luanda.

Iwapo Yanga itavuka, basi inatarajiwa kukutana na moja ya timu hizo katika mechi ya kwanza itakayopigwa kati ya Aprili 17 hadi 19 na marudiano Mei Mosi na Mei 3.

NDUGU WA MARSH WAZUIA MWILI WAKE USIPELEKWE HOSPITAL

HAPA NI BAADA YA MWILI WA MARSH KUAGWA JIJINI DAR....

Mwili wa marehemu Kocha Sylvester Marsh ulizua vurugu kubwa baada ya kuwasili mjini Mwanza.



Baadhi ya ndugu wa marehemu akiwemo dada yake, walilazimisha mwili huo kulala nyumbani hapo wakipinga kutopelekwa kuhifadhiwa katika hospitali ya Sekeo Toure.

Ndugu hao walidai mwili ulipaswa kulala hapo, leo uagwe na kwenda kuzikwa kwenye makaburi ya Igoma jijini Mwanza.

Lakini kwa busara ya waombolezaji akiwemo mkuu wa wilaya ya Nyamagama, waliwasihi kwamba ungeweza kuharibika kwa kuwa uliwasili Mwanza baada ya safari ya usiku kucha.

Baadaye wana ndugu hao walilegeza uzi na kukubaliana na waombolezaji na mwili ukapelekwa kuhifadhiwa hospitali.

Leo unaangwa na mazishi yatafanyika katika makaburi ya Igoma jijini Mwanza.

Marsh aliyewahi kuzinoa Taifa Stars, Kili Stars na timu za vijana alifariki dunia Jumamosi iliyopita baada ya kusumbuliwa na ugonjwa wa kansa ya koo.

PSG KAMA IMELIPA KISASI KWA CHELSEA

Hakuna mchezaji yoyote wa Chelsea aliyemzidi David Luiz magoli msimu huu katika michuano ya klabu bingwa barani Ulaya.

Rickie Lambert ana magoli mengi kuliko Diego Costa kwenye michuano ya klabu Bingwa Ulaya msimu huu.

Mwaka jana Chelsea iliitoa PSG kwa sheria ya bao la ugenini baada ya kufungana 3-3 mechi mbili. Mwaka huu PSG imeitoa Chelsea kwa staili hiyo hiyo huku matokeo yakiwa yale yale 3-3 kwa mechi mbili.

David Luiz aliiwezesha Chelsea kuitoa PSG mwaka 2014. Mwaka huu ameiwezesha PSG kuitoa Chelsea.

Chelsea ndio timu iliyopewa penati nyingi zaidi msimu huu katika michuano ya UEFA Champion League 

Na 

MSIMAMO WA LIGI YA BARA KABLA YA MECHI ZA KESHO

Rn	Timu	P	W	D	L	F	A	Gd	Pts
1	YANGA	16	9	4	3	21	9	12	31
2	Azam FC	16	8	6	2	23	12	11	30
3	SIMBA SC	17	6	8	3	21	12	9	26
4	KAGERA SUGAR	18	6	7	5	15	15	0	25
5	MTIBWA SUGAR	17	5	8	4	18	17	1	23
6	Coastal Union	18	5	8	5	13	12	1	23
7	RUVU SHOOTING	18	5	7	6	12	14	-2	22
8	NDANDA FC	18	6	4	8	17	22	-5	22
9	STAND UNITED	17	5	6	6	16	18	-2	21
10	JKT RUVU	17	5	5	7	14	16	-2	20
11	POLISI MORO	18	4	8	6	13	16	-3	20
12	MGAMBO SHOOTING	16	6	2	8	11	17	-6	20
13	MBEYA CITY	17	4	7	6	12	16	-4	19
14	T. PRISONS	17	1	10	6	10	20	-10	13

MECHI ZA BONGO

Mechi za leo 2015-03-13

16:00

TANZANIA

-

:

-

EGYPT

MICHEZO INAYOKUJA
2015-03-14

16:00	SIMBA SC	Vs	MTIBWA SUGAR
16:00	MBEYA CITY	Vs	MGAMBO JKT
16:00	RUVU SHOOTING	Vs	COASTAL UNION
16:00	POLISI MORO	Vs	JKT RUVU

2015-03-15

16:00	AZAM FC	Vs	NDANDA FC
16:00	T.PRISONS	Vs	STAND UNITED
16:00	YANGA	Vs	FC PLATINUM

ONA WCHEZAJI WA MAN UTD WANVYOTUA NA KUONDOKA MATIZI

Kawaida hapa nyumbani, wachezaji wa timu mbalimbali kubwa hupelekwa mazoezini na basi.

Huo ndiyo utaratibu, lakini inapofikia katika timu kubwa, kila mchezaji hutinga mazoezini na usafiri wake.

Picha hizi zinaonyesha namna wachezaji wa Man United ambavyo hutinga na kuondoka mazoezini wakiwa na usafiri wao.

MAKAPU:PLUIJIN AMEFANYA CHAGUO SAHIHI YANGA

MAKAPU (KUSHOTO) AKIPAMBANA NA AJIBU WA SIMBA....

MAKOCHA wanaweza kuwa ndiyo binadamu wanaoongoza kwa kulaumiwa kuliko wengi wote katika mchezo wa soka, ikiwezekana hata michezo mingine.

Mara nyingi, kocha anapoisaidia timu kupata mafanikio, kawaida huonekana ni mafanikio ya wengi, ikifeli, lawama zinaangukia kwake, hakuwa makini au hafai.

Tumeona hayo yakimuangukia Arsene Wenger wa Arsenal na makocha wengine wengi na hasa jambo la kujali vijana ambavyo limekuwa ni kama msumari kwa makocha wengi.

Jumapili iliyopita kulikuwa na mchezo wa Ligi Kuu Bara uliosubiriwa kwa hamu kubwa na mashabiki wa soka nchini, kwa kuwa unawakutanisha watani wa jadi, Simba na Yanga.

Simba waiibuka na ushindi wa bao safi la Emmanuel Okwi, bao ambalo unaweza kuliweka katika historia ya moja ya mabao bora yaliyowahi kufungwa katika ligi hiyo.

Baada ya mechi hiyo, kama ilivyo ada kunakuwa na lawama nyingi na kawaida, mashabiki na hata viongozi wa timu hizo mbili kongwe, mara nyingi hawakubali kufungwa kimpira, badala yake kila mmoja huangusha lawama kivyake.

Moja ya lawama zilizoangushwa ni Kocha Mkuu wa Yanga, Hans van der Pluijm kumtumia kiungo kinda Said Juma ‘Makapu’ ambaye alicheza katika kiungo cha ukabaji. Wengi walilalama kwamba Mholanzi huyo vipi aliamua kumchezesha kiungo huyo kinda katika mechi kubwa kama hiyo ya watani.

Wengi wanaona Makapu kwa kuwa ni kinda, basi alikuwa tatizo katika kikosi cha Yanga siku hiyo na wako waliopendekeza huenda Salum Telela angecheza siku hiyo.

Wako wanaoamini bora Yanga ingemchezesha Telela namba mbili na mkongwe Mbuyu Twite angerudi katikati kuendesha nafasi hiyo ya ukabaji kama ambavyo amekuwa akifanya mara kadhaa.

Hakuna aliyeiona kazi ya Makapu siku hiyo, wala hakuna anayeona jambo kubwa la msingi alilolifanya Pluijm kwa mchezaji huyo, kwa Yanga na Tanzania kwa jumla.

Makapu anayevaa namba 22 alikuwa kati ya wachezaji bora kabisa katika mechi hiyo, nitaeleza sababu kadhaa.

Moja:

Yanga haikuwa na tatizo katika kiungo cha ukabaji kwa kuwa alikuwa na nguvu na ukabaji wake ni ule wa kukera.

Ndiyo maana utaona kosakosa nyingi zilikuwa upande wa lango la Simba na Yanga wakashindwa kuzitumia lakini ulinzi wa Yanga ukiongozwa na Nadir Haroub ‘Cannavaro’ akisaidiana na Makapu na Yondani ulikuwa bora hadi walipofanya kosa lililozaa bao.

Hata ungemuweka mchezaji mkongwe, kosa walilofanya Yanga, bado lingeweza kuwa tatizo, ndiyo maana mpira wa mwisho wakati Okwi anafunga, aliupiga mbele ya Twite, lazima uamini yeyote anaweza kukosea.

Mbili:

Hakukuwa na mipira mingi ya juu iliyokuwa na madhara katika ukiachana na ule mpira aliopiga Elius Maguri mbele ya Cannavaro ambaye tayari alishaumia. Hii ilitokana na ubora wa mipira ya juu kuongezeka upande wa Yanga kwa kuwa Makapu ni kati ya wachezaji warefu na wanaopiga vichwa.

Tatu:

Makapu ana nguvu, ana uwezo wa kupiga miguu yote. Alikuwa na tatizo kidogo la nafasi, wakati upi mwafaka wa kuwa wapi na afanye nini. lakini hilo lilitokana na uzoefu alionao. Ili abadilike, ni lazima acheze, hiyo haina ujanja.

Kumlaumu Pluijm, pia ni sawa na zile lawama za msimu mmoja na nusu tu uliopita pale mashabiki walipomlaumu Kocha Ernie Brandts pale alipoanza kumuamini Telela aliyeonekana hafai na sasa wengi wanalia achezeshwe.

Kwa Pluijm, ana kila sababu ya kuendelea kumuamini Makapu, kinda mwenye kila sababu ya kucheza namba sita kwa kuwa ana sifa nyingi kwa asilimia 75 sasa. Anachotakiwa ni kuaminiwa na kupewa nafasi zaidi. Watu hujifunza zaidi hujifunza kwa vitendo, hivyo Makapu hawezi kujifunza akiwa benchi.

Kama Makapu ataendelea kupewa nafasi zaidi, basi ndiye shujaa na tegemeo wa Yanga hapo baadaye kama ambavyo Simba waliwaamini akina Jonas Mkude, Ramadhani Singano ‘Messi’ na Said Ndemla na leo, ndiyo tegemeo la kikosi chao.

Acha wengine waone Plujm anakosea, lakini Makapu kucheza namba sita na sifa alizonazo ni chaguo sahihi kabisa, tena katika wakati mwafaka.

IVO AMTETEA BHARTEZ

Kipa mkongwe wa Simba, Ivo Mapunda amemtetea Barthez kwa kusema hastahili lawama kwa bao alilofungwa.

Ivo aliyewahi kudakia Yanga kwa zaidi ya misimu miwili amesema Barthez hastahili kulaumiwa kwa kuwa amefungwa bao bora.

“Bado naamini Barthez ni kipa bora na mwenye uwezo wa juu, hatakiwi kulaumiwa bali Okwi ndiye anatakiwa kupongezwa kwa kufunga bao kiufundi,” alisema Ivo.

Barthez alifungwa bao pekee lililoipa Simba ushindi wa bao 1-0 dhidi ya Yanga, Jumapili iliyopita.

Okwi alifunga bao akiwa katika kasi kubwa na kupiga mpira wa juu uliompita kipa huyo akiwa ametoka kidogo nje ya lango.

DALILI ZINAZOONESHA BHARTEZ ATAPOTEA YANGA ILA INATEGEMEA ATAKACHOKIFANYA DIDA

Nyanda wa Yanga, Ali Mustapha ‘Barthez’, amejipalia makaa na sasa kuna uwezekano mkubwa akasugua benchi katika michezo iliyobaki ya Ligi Kuu Bara na nafasi yake ikarudishwa kwa Deogratius Munishi ‘Dida’.

Barthez amekuwa katika wakati mgumu mara baada ya kufungwa bao na Mganda, Emmanuel Okwi katika mechi dhidi ya Simba, Jumapili iliyopita katika mechi ya Ligi Kuu Bara jambo ambalo limechangia kumvuruga.

Imeelezwa kuwa hatua hiyo ya kuwa na uwezekano wa kuwekwa benchi imetokana na mambo mawili; moja ni kuhofia kumuweka tena langoni kwenye mechi inayofuata akiwa na msongo wa mawazo kutokana na lawama anazopokea, lakini kingine ni kumuacha benchi ajifunze kwanza na kujiweka fiti upya.

Chanzo cha uhakika kutoka ndani ya Yanga kimelipenyezea Championi Ijumaa kuwa, hata katika mechi inayofuata ya Yanga dhidi ya FC Platinum ya Zimbabwe itakayopigwa keshokutwa Jumapili, kipa atakayelinda lango la timu hiyo ni Dida.

Hata hivyo, imefafanuliwa zaidi kuwa, kurudi kwake dimbani Barthez, kutategemea na kiwango cha Dida atakachoonyesha.

“Kiukweli Barthez amekalia kuti kavu na nafasi yake imechukuliwa na Dida, yaani yule anaweza kucheza kama Dida ataharibu atakaporejea langoni. Vinginevyo itakuwa ndiyo basi tena.

“Bao alilofungwa na Okwi imeonekana naye alichangia kwa kiasi fulani kutokana na kutokuwa makini,” kilisema chanzo.

Kabla ya mechi hiyo, Barthez alisimama langoni katika michezo tisa mfululizo na kufungwa mabao mawili, lakini bao la Okwi ndilo limeonekana nuksi kwake.

MULO AELEZA SABABU ZILIZO MTOA MRWANDA KAMBINI

Mkuu wa Kitengo cha Habari na Mawasiliano cha Yanga, Jerry Muro, amekanusha uvumi wa viongozi wa timu hiyo kumtimua kambini mshambuliaji wao, Danny Mrwanda na kudai kulikuwa na sababu kadhaa za mchezaji huo kuondoka kambini lakini siyo kwamba alifukuzwa.

Muro amesema sababu ya kwanza ya Mrwanda kuondoka kambini kwenye Hoteli ya Tansoma iliyopo Kariakoo jijini Dar ni kutokana na kusumbuliwa na ugonjwa wa malaria.

“Mrwanda hakufukuzwa, ni mgonjwa lakini pia ameondoka kambini kwa kuwa anatumikia adhabu ya kadi nyekundu aliyoipata katika mechi dhidi ya BDF,” alisema Muro na kuongeza:

“Nahodha Nadir Haroub ‘Cannavaro’ anatarajiwa kuingia kambini leo (jana) kwa ajili ya kupewa matitabu ya kiwango cha juu baada ya kuumia katika mechi ya Simba, Andrey Coutinho anaendelea vizuri baada ya kuanza mazoezi mepesi na wenzake.”

ANGALIA NEYMAR ANACHOKIFANYA AKIWASUBIRI MAN CITY

chelsea iko tayar kumtwaa varane

Chelsea imeamua kuboresha safu yake ya ulinzi na sasa iko tayari kumtwaa beki Raphael Varane wa Real Madrid.

Chelsea iko tayari kumwaga kitita cha pauni 40 kwa ajili ya kumnasa beki huyo inayeelezwa hana furaha.

Varane mwenye miaka 21 amekuwa hana furaha huenda kutokana na kutopata nafasi ya kucheza kwa kiasi kikubwa.

Madrid inawategemea wakongwe Pepe na Sergio Ramos.

KAKA AIOKOA TIMU YAKE ISIAIBIKE HUKO MAREKANI

BAO LA OKWI LATOA MAJIBU MENGI

SIMBA imeshinda bao 1-0 dhidi ya Yanga katika mchezo safi wa Ligi Kuu Bara uliopigwa kwenye Uwanja wa Taifa jijini Dar es Salaam, jana.

Mchezo huo ulikuwa mtamu na wa kuvutia, kila timu ilionyesha kiwango kizuri ingawa baadhi ya wachezaji walishindwa kuonekana kama ilivyokuwa imetakiwa. Kuna mengi yanaweza yanajitokeza katika mechi ya watani kama hiyo.

Achana na vituko, lakini utaona tofauti ya wachezaji hata wale uliokuwa unawategemea watang’ara wameshindwa kabisa kuonyesha viwango vyao kama ilivyozoeleka.

Lakini kuna wale ambao uliona hawawezi kuwa tishio ndiyo wamefanya kile ambacho wengi hawakukitegemea na ndiyo maana ya mechi ya watani, ni mechi ya mambo mengi.

Unalizungumzia bao lililomaliza mechi hiyo lililofungwa na Emmanuel Okwi baada ya kupiga mpira ambao uliokuwa si lahisi kudhaniwa ungeweza kuingia kwenye lango la Yanga.

Bao hilo limekuwa jibu sahihi la maswali mengi ya siku kadhaa kuhusiana na mechi hiyo ya watani ambayo kabla haijachezwa kunakuwa na maswali milioni watu wakijiuliza na kujijibu.

Wako ambao wamekuwa wakitabiri, wako ambao wamekuwa wakifanya ushirikina, wako ambao wamekuwa wakishikana uchawi na mwisho kuzozana, lakini shuti moja la ufundi kabisa la Okwi limetoa jibu la maswali zaidi ya mia watu waliokuwa wakijiuliza.

Ushirikina hutawala katika mechi ya watani, kusingiziana, watu kuhisi na kuziamini hisia zao ni sehemu ya mambo ambayo yamekuwa yakitawala katika mechi hiyo.

Wachezaji wanapewa huduma nzuri za kulala hoteli ambazo hawawezi kulala wanapokuwa wanakutana na Kagera Sugar au Ndanda FC. Lakini mwisho, bao la Okwi, limekuwa jibu sahihi.

Huenda huu ndiyo wakati mzuri pia kwa mashabiki wa soka nchini na wale wajanjawajanja ndani ya klabu za Yanga na Simba ambao wamekuwa wakisema wanakwenda kuroga, wapate jibu.

Bao la Okwi halina uchawi, bao la Okwi si la kishirikisha, mguu wake aliopiga si mguu wa shetani, badala yake kuna mambo matatu muhimu ambayo yakipewa nafasi yanaweza kuendeleza soka na wala si ushirikina.

Okwi ana kipaji, Okwi alikuwa mjanja kwa mawasiliano kati ya ubongo kupitia macho na baadaye kuamua kwa mguu. Lakini tatu, lazima tukubali juhudi aliyoifanya kutokana na kuwa fiti yaani mazoezi ndiyo lilikuwa jibu la uwezo wa kumaliza kazi aliyoifanya.

Wakati mzuri wa kuacha kuamini mambo ya kishirikina na kuheshimu kuwa mpira una mambo yake muhimu kwa ajili ya kuhakikisha mambo yanakwenda vizuri.

Ushirikina katika soka hauna msaada, ni miradi ya wachache ndani ya klabu ambao wamekuwa wakisema wana mapenzi na klabu hizo, kumbe wanazipenda kwa kuwa zinawapa chochote kitu cha kuendesha maisha yao.

Kama upande wa Yanga walikwenda kufanya ushirikina vipi hawakufunga, hata Simba mbona hakuna bao la kishirikina na badala yake tumeona sayansi ya Okwi ilivyofanya kazi waziwazi? Vizuri kuachana na hisia duni ili kuepuka kuwa watu duni tusiokwenda na kasi ya maendeleo ya dunia.

Kingine cha nyongeza ni kusaka wachawi. Huu ndiyo utakuwa wakati wa Yanga kuanza kutangaza fulani na fulani ni tatizo au walihongwa. Bao alilofungwa Barthez, angefungwa yoyote kwa kuwa akili nyingi za Okwi zilikuwa za haraka kuliko kawaida.

Unaweza kidogo ukalifananisha na bao la Jaja raia wa Brazil aliyeifungia Yanga ikipambana na Azam FC. Lakini la Okwi, limekuwa bora zaidi kutokana na lilivyotokea. Hivyo soka ina mambo yake, Yanga wakubali wamepoteza waangalie mbele na si kuanza kupambana na kuvurugana.