BREAKING NEWS: TFF YATANGAZA KUIPOKA SIMBA POINTI TATU, YAZIRUDISHA KWA KAGERA SUGAR

Shirikisho la Soka la Tanzania (TFF) limetangaza kuipoka Simba pointi tatu na mabao matatu ambazo ilipewa kutokana na mchezo wao dhidi ya Kagera Sugar.

Wiki mbili zilizopita Simba ilipoteza mchezo dhidi ya Kagera kwa kufungwa mabao 2-1 kwenye Uwanja wa Kagera mkoani Kagera katika mchezo wa Ligi Kuu ya Bara lakini baadaye ilikata rufaa ikipinga Kagera kumtumia mchezaji Mohamed Fakhi ikidai alikuwa na kadi tatu za njano, ndipo ikapewa ushindi huo kupitia Kamati ya Saa 71.

Mara baada ya kamati hiyo kuipa Simba pointi Kagera ikaomba kupitiwa upya kwa suala hilo na nsipo TFF ikatangaza kuwa suala hilo sasa litakuwa chini ya Kamati ya Katiba, Sheria na Hadhi za Wachezaji ya TFF ambayo ndiyo imetoa maamuzi hayo.

Akizungumza na waandishi wa habari juu ya uamuzi huo, Katibu Mkuu wa TFF, Selestine Mwesigwa amesema kuwa kuna sababu kadhaa zimechangia kuchukuliwa kwa maamuzi hayo ambapo alisitaja kuwa ni:

“Malalamiko ya Simba hayakuwasilishwa kwa wakati muafaka tangu mchezo ulipochezwa, malalamiko yao hayakuwa katika njia ya maandishi, rufaa ya Simba haikulipiwa ada, kikao cha Kamati ya Saa 72 kilikosa uhalali kutokana na kuwashirikisha watu ambao hawana uhalali wa kuwa kwenye kikao.

“Kutokana na sababu hizo kamati imeamua kufuta maamuzi yaliyochukuliwa na Kamati ya Saa 72 na kurejesha matokeo kama yalivyokuwa, pia kamati imemuagiza katibu mkuu wa TFF kuwapeweleka baadhi ya wajumbe wa bodi ya ligi katika Kamati ya Maadili ya TFF kwa kosa la kwenda kinyume na kazi zao,” alisema Mwesigwa.

HAFLA YA KUCHANGIA SERENGETI BOYS KUFANYIKA IJUMAA

Shirikisho la Soka Tanzania (TFF), limeandaa hafla maalumu ya kuchangisha fedha kwa ajili ya kampeni ya timu ya Serengeti Boys inayojiandaa kucheza fainali za kuwania Kombe la Afrika kwa vijana wenye umri chini ya miaka 17 nchini Gabon. Fainali hizi zitafanyika kufanyika kuanzia Mei 14 hadi 28, 2017.

TFF inatambua kuwa wadau mbalimbali wamekuwa wakichangia timu hiyo kupitia mitandao ya simu kama vile namba 0687 333 222 kadhalika Selcom kwa namba 22 33 44 pia kuweka fedha kwenye akaunti Na. 00 866 280 03 katika Benki ya Diamond Trust (DTB).

Sasa siku ya Ijumaa Aprili 28, 2017 TFF imeandaa hafla maalumu ya kupokea michango hiyo, lakini pia kuchangisha fedha zaidi maana lengo ni kukusanya shilingi bilioni moja (Sh. 1 Bil.) Hafla hiyo itafanyika kwenye Hoteli ya Serena, Dar es Salaam kuanzia saa moja jioni.

TFF imeamua kutumia fursa kuwakaribisha wawakilishi wa makundi mbalimbali ili wawasilishe michango yao na kumkabidhi mgeni rasmi.

Kwa kutambua michango mbalimbali ambayo imekusanywa kupitia makundi ya mitandao ya jamii kama WhattsApp, facebook hivyo TFF inaomba wawakilishi wa makundi yote ya mitandao ya jamii (admins) ambao wamekusanya michango hii wajiorodheshe ili wapate fursa ya kukabidhi michango ya makundi yao kwa mgeni rasmi katika hafla hii.

Admins hawa wanaombwa wajiorodheshe kwa kutuma email kwenda fdf@tff.or.tz, kwa kupiga simu 0787 176767 au kwa kutuma ujumbe mfupi kwenda 0787 176767 ambayo pia inapatikana kwenye mawasiliano ya WhattsApp.

Aidha wawakilishi wa makundi mengine kama idara za Serikali, mashirika ya umma na binafsi kadhalika watu binafsi ambao nao wamechangia nao pia tunaomba wajioredheshe ili wapewe fursa pia ya kukabidhi michango yao siku hiyo ya Ijumaa.

MKENYA MARY AWEKA REKODI MPYA LONDON MARATHONI, AZOA MAMILIONI

Hii ni mara ya tatu Mary kushinda London Marathon na kikubwa leo ameweka rekodi ya kukimbia kwa muda wa 2:17:01 ambayo ni rekodi mpya ya dunia.

Kutokana na ushindi huo, Mary anaondoka na kitita cha cola 125,000 (Sh milioni 273), kinachojumuisha uvunjani wake wa rekodi hiyo.

Zawadi ya kawaida ya mshindi hula ni dola 55,000, lakini day huongezeka katakana ana kuvunja rekodi.

Tirunesh Dibaba wa Ethiopia alifukuzana vikali na Mary katika dakika za mwisho hata hivyo Mkenya huyo alionyesha ni bora zaidi alipofanikiwa kuibuka na ushindi huo.

MKENYA MARY AWEKA REKODI MPYA LONDON MARATHONI, AZOA MAMILIONI

Hii ni mara ya tatu Mary kushinda London Marathon na kikubwa leo ameweka rekodi ya kukimbia kwa muda wa 2:17:01 ambayo ni rekodi mpya ya dunia.

Kutokana na ushindi huo, Mary anaondoka na kitita cha cola 125,000 (Sh milioni 273), kinachojumuisha uvunjani wake wa rekodi hiyo.

Zawadi ya kawaida ya mshindi hula ni dola 55,000, lakini day huongezeka katakana ana kuvunja rekodi.

Tirunesh Dibaba wa Ethiopia alifukuzana vikali na Mary katika dakika za mwisho hata hivyo Mkenya huyo alionyesha ni bora zaidi alipofanikiwa kuibuka na ushindi huo.

SIMBU AJITAHIDI, ASHIKA NAFASI YA TANO LONDON MARATHON, ABEBA MAMILIONI YAKE

Wakati Mkenya Daniel Wanjiru ameshinda mbio za London Marathon, Mtanzania Alphonce Simbu ameshika nafasi ya tano.

Wanjiru aria wa Kenya ameshinda kwa muda wa saa 2, dakika 5 na sekunde 48 na Simbu ametumia saa 2, dakika 9 na sekunde 9 na kushika nafasi hiyo ya tano.

Inaonyesha anayeshika nafasi ya tano katika mashindano hayo anaibuka na kitita cha dola 10,000 (zaidi ya Sh milioni 22).

Hata hivyo, Simbu ambaye alianza vibaya alilazimika kubadili gia mwishoni na kuwashinda zaidi ya Wakenya sita na Waethiopia wawili, Mganda mmoja ili kushika nafasi hiyo ya tano.

Nafasi ya pili imekwenda kwa Kenenisa Bekele wa Ethiopia ambaye mwishoni alichuana vikali na Wanjiru aliyeonekana kuwa katika kiwango bora.

BREAKING NEWS: TFF YAMFUNGIA HAJI MANARA MIEZI 12, APIGWA FAINI YA SH MILIONI 9

Kamati ya Nidhamu ya TFF, imetangaza kumfungia miezi 12 Msemaji wa Simba, Haji Manara.

Pamoja na kufungiwa mwaka mmoja, Manara amepigwa faini ya Sh milioni 9.

Makamu Mwenyekiti wa Kamati ya Nidhamu ya TFF, Wakili Jerome Msemwa amesema Manara amefungiwa miezi 12 kutokana na utovu wa nidhamu.

Akizungumza na waandishi wa habari hivi punde, Msemwa amesema uamuzi huo umefikiwa baada ya kubaini Manara amefanya utovu mkubwa wa nidhamu.

BREAKING NEWS: KOMBE LA SHIRIKISHO, SIMBA VS AZAM, MBAO FC VS YANGA

Droo ya Kombe la Shirikisho imekamilika na sasa Simba na Azam FC zitakutana katika nusu fainali ya kwanza.

Mbao FC watakuwa wenyeji wa Yanga katika nusu fainali ya pili.

Nusu fainali ya kwanza itakayowakutanisha Simba na Azam FC itachezwa Aprili 29 na ile ya pili kwenye Uwanja wa CCM Kirumba mjini Mwanza itachezwa Aprili 30.

Simba imesitisha maandamano ya amani

Klabu ya Simba inapenda kuwajulisha wanachama na wapenzi wake kuwa imesitisha maandamano iliyopanga kuyafanya Jumanne wiki ijayo 25.04.2017, baada ya nia na dhamira njema ya serikali kutaka kushughulikia sintofahamu inayoendelea baina ya klabu na Shirikisho la Soka nchini (TFF).
Ikumbukwe jana klabu yetu, ililiandikia barua Jeshi la Polisi nchini ikiomba kibali cha kufanya maandamano ya amani, yaliyopangwa kuhudhuriwa na viongozi, wanachama na washabiki wa klabu yetu kwenda Wizara inayosimamia Michezo nchini, yakiwa na lengo la kupeleka kilio chetu juu ya namna TFF inavyoshughulikia malalamiko ya muda mrefu na ya sasa ya klabu hii kubwa nchini.
Katika barua iliyoandikwa na katibu Mkuu wa Baraza la Michezo la Taifa (BMT) Mohammed Kiganja kwa niaba ya Serikali, imetutaka Shirikisho na Klabu kutafuta namna sahihi na iliyo na weledi katika kushughulikia changamoto hizi zinazoweza kuvuruga amani ya nchi.
Serikali kupitia barua hiyo, imeahidi pia kutukutanisha pande zote haraka iwezekanavyo, ili kwa pamoja tumalize sintofahamu hii kwa maslahi ya mchezo wa mpira wa miguu Tanzania.
Klabu ya Simba inachukua nafasi hii ya kipekee kuishukuru serekali kupitia Baraza la Michezo la Taifa (BMT) kwa hatua mahsusi na za haraka katika kutafuta suluhisho la kudumu la jambo hili.
Tunawaomba wanachama na washabiki wetu watulie na sote tuache majibizano yoyote ili kutoa fursa kwa Serikali kusimamia kikamilifu jambo hili.
Klabu ya Simba inafanya mawasiliano na Jeshi la Polisi nchini kuwajulisha kusudio letu la kusitisha maandamano hayo.
IMETOLEWA NA…
Haji S Manara
Mkuu wa Habari wa Simba SC
Simba nguvu moja

‘Hata tukikutana na Simba poa tu’ Cannavaro

Nahodha wa Yanga Nadir Haroub ‘Cannavaro’ amesema kikosi chao kipo tayari kupambana na timu yoyote katika mchezo wa nusu fainali ya kombe la FA au Azam Sports Federation Cup huku akiamini watafanya vizuri na kusonga mbele kucheza fainali ya michuano hiyo.
Tayari timu nne zinazotarajiwa kucheza nusu fainali zimeshajulikana (Simba, Mbao FC, Azam FC na Yanga) ambazo zitambana kutafuta washindi wawili watakaocheza fainali.
“Yoyote atakaepangwa na sisi kwenye hatua ya nusu fainali tutapambana nae ili kupata ushindi na kufika hatua ya fainali. Hata tukipangwa na Simba ndio tayari ratiba itakuwa inaonesha hivyo, tupo tayari kuwakabili kwa sababu huwezi kuwa bingwa bila kukutana na mpinzani wako, lazima umshinde ndipo uchukue kombe.”
Yanga walipata ushindi wa magoli 3-0 dhidi ya Tanzania Prisons kwenye mchezo uliochezwa jana April 22, 2017 na kufanikiwa kusonga mbele kwenye hatua hiyo ya nusu fainali.
Droo ya kuzipata timu zitakazo pambana kwenye nusu fainali itachezeshwa leo kwenye ofisi za Azam TV ambao ndiyo wadhamini wakuu wa michuano hiyo ambayo msimu huu ilishirikisha jumla ya timu 86 (ligi kuu timu 16, ligi daraja la kwanza timu 24 na ligi daraja la pili timu 24)

Maagizo ya BMT kwa TFF na Simba kuhusu mgogoro unaoendelea

Wakati kukiwa na mvutano kati ya klabu ya Simba na Shirikisho la Mpira wa miguu Tanzania (TFF), Baraza la Michezo la Taifa (BMT) limeingilia kati mvutano huo na kutoa maagizo mato kwa TFF na Simba.
Katibu Mkuu wa BMT ametoa taarifa (barua) kwa vyombo vya habari akizitaka taasisi hizo mbili kumalizana kwa njia ya amani huku akisisitiza kila upande kutimiza majukumu yake kwa kufuata sheria, kanuni na taratibu zinazokubalika.
Barua ya maelekezo kutoka BMT kwa TFF na Simba;

‘Hatuihofii Simba’ – Juma Mwambusi

KOCHA msaidizi wa Yanga Juma Mwambusi amesema hawahofii timu yoyote watakayo kutanana nayo katika nusu fainali ya michuano ya Azam Sports Federation Cup.
Yanga ilipata ushindi wa mabao 3-0 dhidi ya Tanzania Prisons kwenye mchezo wa Kombe la FA, uliochezwa jana katika Uwanja Wa Taifa.
“Sisi ndiyo mabingwa watetezi wa kombe hili na tumejipanga kuhakikisha tunalitetea taji letu kwa nguvu zote, lakini tunajua timu zilizofika hatua hii ni bora lakini hatuihofii yoyote kama vile Simba, Azam, Mbao,” amesema Mwambusi.
Akizungumza na waandishi wa habari mara baada ya mchezo huo kumalizika, kocha Mwambusi amesema, wachezaji wa timu zote mbili walicheza vizuri lakini mvua ilionekana kama kikwazo kwa wachezaji kutocheza kabumbu safi.
Timu yoyote itakayotwaa taji hilo itaiwakilisha nchi katika michuano ya kombe la Shirikisho barani Afrika ni kwa mujibu wa kanuni za Shirikisho la mpira wa miguu Tanzania (TFF).

HABARI MBAYA MAN UNITED, ZLATAN NJE HADI MWAKANI 2018

Manchester United itamkosa mshambulizi wake nyota, Zlatan Ibrahimovic hadi mwaka 2018.

Zlatan aliumia katika mechi ya Europa baada ya kuruka juu, wakati anatua mguu wake ulipinda kwenda nyuma.

Imeelezwa ameumia misuli mikubwa ambayo imechanika katika goto la mguu wake wa kulia.

Hizi ni habari mbaya kwa mashabiki wote wa Man United kumkosa mkongwe huyo kwa kuwa katika msimu wa kwanza tu alishafunga mabao 28.

Siku yake ya kutimiza miaka 36, mwezi Oktoba, mwaka huu itamkuta Zlatan akiwa na nje.

Mechi - 46

Mabao - 28

Assisti - 9

Nafasi alizotengeneza - 88 

DE GEA SAFARI YA KUREJEA MADRID "IMEKWIVA", ALIWEKA SOKONI JUMBA LAKE LA KIFAHARI

Dalili zote sasa kwamba kipa, David De Gea wa man United atarejea Hispania na kujiunga na vigogo, Real Madrid.

Hii inatokana na uamuzi wa kips huyo aliyejiunga na Man United mwaka 2011 akitokea Atletico Madrid kuliweka sokoni jumba lake la kifahari analoishi.

De Gea ametangaza kuliuza jumba hilo lenye thamani ya pauni million 3.85.

Kwa zaidi ya mwaka mmoja sasa, Madrid imekuwa ikipambana kumpata De Gea ambaye anaonekana ndiye kipa tegemeo wa timu ya taifa ya Hispania.

MASHABIKI WA CHELSEA WAJITOKEZA KUMPOKEA DROGBA AKIJIUNGA NA TIMU YA MAREKANI

Mshambuliaji mkongwe, Didier Drogba amepokelewa kwa shangwe wakati akitua nchini Marekani kujiunga na timu ya Phoenix Rising ya mjini Arizona.

Lakini ajabu, mashabiki wengi wa Phoenix walionekana zaidi ni mashabiki wa Chelsea, timu ambayo Drogba alipata umaarufu mkubwa.

Mashabiki hao walitaka Drogba kusaini jezi za Chelsea ya England badana Phoenix ambayo ni timu yao.

Kilichovutia zaidi mashabiki hao walikuwa na jezi mpya zinazotumiwa sasa na Chelsea, zikiwemo zile za nyumbani na ugenini.

Drogba alipata mafanikio makubwa akiwa Chelsea ambako aliiongoza kubeba makombe lukuki kama Kombe la Ligi, Kombe la FA, Ubingwa wa England na Ligi ya Mabingwa Ulaya.

SERIKALI IMEITUMIA SALAMU ZA PONGEZI SERENGETI BOYS, NI BAADA YA KUTOA KIPIGO KWA GABON

Serikali imeipongeza Serengeti Boys kwa ushindi wa mabao 2-1 katika mechi ya kirafiki dhidi ya Gabon.

Serengeti Boys wameifunga Gabon katika mechi iliyopigwa nchini Morocco ambako timu hiyo imeweka kambi kujiandaa na michuano ya Kombe la Mataifa Afrika litakalofanyika nchini Gabon.

Msemaji wa Serikali Dk, Hassan Abbas amesema serikali inaipongeza timu hiyo ya vijana chini ya miaka 17 kwa ushindi huo.

Serikali inawasisitiza vijana hao kuendelea kupambana wakiwa wamelenga kufanya vizuri na Watanzania na serikali iko nyuma yao.

BALE AREJEA MAZOEZINI, MACHO YOTE KWENYE EL CLASICO

Kiungo nyota wa pembeni wa Real Madrid, Gareth Bale amerejea mazoezini na kuanza kujifua na wenzake.

Bale amerejea wakati keshokutwa Madrid itakuwa dimbani kuwavaa Barcelona katika mechi muhimu ya El Clasico ambayo kila upande unahitaji kushinda.

Ndoto za Samatta kukutana na Manchester United kwenye Europa zazimwa na Celta Vigo By shaffihdauda - April 20, 2017 9516 0 SHARE Facebook Twitter Ndoto za Mbwana Samata kusonga mbele zaidi katika michuano ya Europa imekatishwa na klabu ya Celta Vigo baada ya timu yake ya Genk kulazimishwa suluhu ya bao moja kwa moja na wababe hao wa Hispania. Pione Sisto alikuwa wa kwanza kuchungulia nyavu za Genk dakika ya 63 kabla ya Leandro Trossard kuwasawazishia Genk na mchezo kumalizika kwa sare. Kabla ya mchezo huo Celta Vigo hawajawahi kufungwa na timu yoyote kutoka Ubelgiji na matokeo hayo yaliifanya Genk kutolewa kwa jumla ya mabao 3 kwa 4, kwani mchezo wa kwanza walikubali kipigo cha bao 3 kwa 2. Katika michezo mingine iliyopigwa jana ililazimika kuongezwa muda wa ziada ili kumtafuta mshindi wa michezo hiyo, Manchester United na Anderchelt walimaliza dakika 90 kwa sare ya moja kwa moja. Baada ya dakika hizo 90 kuisha muamuzi aliongeza dakika 30, dakika ya 107 ya mchezo huo goli la Rashford liliivusha Manchester United katika hatua ya nusu fainali ya Europa Champions msimu huu. Ajax nao bao la dakika ya 120 la Amin Younes lilishuhudia klabu hiyo ikifudhu hatua ya nusu fainali baada ya kumaliza mchezo huo kwa bao 3 kwa 2 dhidi ya Shalke 04 na mchezo huo kuisha kwa aggregate ya bao 3 kwa 4na kufudhu tena nusu fainali tangia mwaka 1997. Besitikas na Lyon hadi dakika 120 zinaisha mshindi alishindwa kupatikana japo Bestikas walikuwa wakuongoza 2 kwa 1 lakini aggregate ilikuwa 3 kwa 3 hivyo mchezo huo ilibidi uamuliwe kwa tuta. Katika hatua ya matuta Lyon ambao walikuwa wageni katika mchezo huo waliibuka kidedea kwa kushinda jumla ya matuta 7 kwa 6 na hivyo nao kuungana na Celta Vigo,Manchester United na Ajax katika michuano hiyo ya Europa.

Ndoto za Mbwana Samata kusonga mbele zaidi katika michuano ya Europa imekatishwa na klabu ya Celta Vigo baada ya timu yake ya Genk kulazimishwa suluhu ya bao moja kwa moja na wababe hao wa Hispania.
Pione Sisto alikuwa wa kwanza kuchungulia nyavu za Genk dakika ya 63 kabla ya Leandro Trossard kuwasawazishia Genk na mchezo kumalizika kwa sare.
Kabla ya mchezo huo Celta Vigo hawajawahi kufungwa na timu yoyote kutoka Ubelgiji na matokeo hayo yaliifanya Genk kutolewa kwa jumla ya mabao 3 kwa 4, kwani mchezo wa kwanza walikubali kipigo cha bao 3 kwa 2.
Katika michezo mingine iliyopigwa jana ililazimika kuongezwa muda wa ziada ili kumtafuta mshindi wa michezo hiyo, Manchester United na Anderchelt walimaliza dakika 90 kwa sare ya moja kwa moja.
Baada ya dakika hizo 90 kuisha muamuzi aliongeza dakika 30, dakika ya 107 ya mchezo huo goli la Rashford liliivusha Manchester United katika hatua ya nusu fainali ya Europa Champions msimu huu.
Ajax nao bao la dakika ya 120 la Amin Younes lilishuhudia klabu hiyo ikifudhu hatua ya nusu fainali baada ya kumaliza mchezo huo kwa bao 3 kwa 2 dhidi ya Shalke 04 na mchezo huo kuisha kwa aggregate ya bao 3 kwa 4na kufudhu tena nusu fainali tangia mwaka 1997.
Besitikas na Lyon hadi dakika 120 zinaisha mshindi alishindwa kupatikana japo Bestikas walikuwa wakuongoza 2 kwa 1 lakini aggregate ilikuwa 3 kwa 3 hivyo mchezo huo ilibidi uamuliwe kwa tuta.
Katika hatua ya matuta Lyon ambao walikuwa wageni katika mchezo huo waliibuka kidedea kwa kushinda jumla ya matuta 7 kwa 6 na hivyo nao kuungana na Celta Vigo,Manchester United na Ajax katika michuano hiyo ya Europa.

TFF imemfungulia mashtaka Haji Manara leo April 21, 2017

April 19, 2017 uongozi wa Simba kupitia kwa afisa habari wake Haji Manara uliotoa msimamo wao kuhusu masuala mbalimbali yanayoihusu klabu ya Simba dhidi ya TFF ikiwemo suala la pointi tatu (zinazogombewa na Simba pamoja na Kagera Sugar) ambalo linachukua taswira mpya kila kukicha.
Manara wakati akizungumza na waandishi wa habari, alizungumzia Simba kudhulumiwa na TFF kwenye baadhi ya mambo waliyofikisha kwenye vyombo vya sheria vya shirikisho hilo, aliituhumu TFF kuipendelea Yanga lakini pia akaituhumu TFF kuendeshwa kwa ukabila pamoja na mambo mengine.
Leo April 21, 2017 zikiwa zimepita siku mbili tangu Manara azungumze na vyombo vya habari, TFF imetangaza kufungua mashtaka ya kinidhamu dhidi ya Manara.
Kupitia ukurasa wa Instagram (tanfootball) ukurasa rasmi wa shirikisho la soka Tanzania, kuna habari inayosomeka kama ifuatavyo…
>>>Kwa mujibu wa Katiba ya Shirikisho la Mpira wa Miguu Tanzania (TFF), kila mwanafamilia wa mpira wa miguu Tanzania analazimika kuheshimu na kufuata kanuni za maadili za shirikisho kama zilivyoainishwa kwenye kanuni zake mbali mbali.
Wanafamilia wa mpira wa miguu ni pamoja na wachezaji, makocha, waamuzi, viongozi wa mpira wa ngazi zote na waajiriwa wa taasisi ambazo ni wanachama wa TFF wa ngazi mbalimbali.
Ili kutunza heshima ya mpira wa miguu Tanzania, wanafamilia wa mchezo huo katika kutimiza masharti ya kanuni za maadili za TFF, hawana budi kuheshimu na kufuata taratibu zote hizo ndani na nje ya uwanja.
Taswira njema ya shirikisho inajenga imani ya wadau wakiwamo serikali, mashirika mbalimbali ya umma na binafsi, vyombo vya habari, vyama vya mpira vya kimataifa, NGO’s na watu binafsi kwa taasisi (TFF). Kinyume chake ni kulibomoa shirikisho.
Dhima ya uongozi wa TFF ni pamoja na kulinda na kutunza heshima hii. Hivyo vitendo vyovyote vyenye viashiria vya uvunjaji wa maadili havitavumiliwa, na vikitokea hatua zitachukuliwa.
Na kwa muktadha huu Shirikisho la mpira wa miguu Tanzania, limemfungulia mashtaka ya kinidhamu Msemaji wa Simba Bw. Hajji Manara kwenye Kamati ya Nidhamu. Leo hii Aprili 21, 2017 atapewa mashtaka yake na kujulishwa lini na wapi yatasikilizwa.
TFF inaendelea kutoa rai kwa wadau wa mpira kuwa pamoja ni kwamba ni haki yao kushauri, kupendekeza, kukosoa lakini yote haya yafanyike kwa staha ili kutunza heshima ya mpira wetu.

Kimenya amemzungumzia mchezaji wa Kagera Sugar

Zainabu Rajabu
BEKI wa kulia wa Tanzania Prisons, Salum Kimenya, amemtabiria mambo makubwa Mshambuliaji wa Kagera Sugar Mbaraka Yusuph ambae kwa sasa yupo kwenye kiwango kizuri.
Mbaraka amefikisha mabao 11 tangu asajiliwe na Kagera Sugar akitokea Simba mara baada ya kumaliza mkataba wake wa mwaka moja aliosaini akiwa na timu ya vijana ya Simba.
Shaffihdauda.co.tz. ilizungumza na Kimenya ambaye alisema, kama Mbaraka akiendelea kujituma na kupambana kama ilivyo sasa atafika mbali ila kikubwa asilewe sifa na kusahau majukumu yake ya uwanjani.
“Mimi natamani na ninamuombea katika
kinyanganyiro cha mfungaji bora apate Mbaraka kwani kijana anajua kucheka na nyavu na pia atakuwa amewakumbusha watu kuwa sio timu kubwa tu zinaweza kutoa mchezaji bora hata huku chini zipo,” alisema Kimenya.
Kimenya amenijuza kuwa kuna takriba timu tatu za ligi zinataka saini yake lakini kwa sasa ni mapema sana kuziweka wazi ikiwa bado masuala mengi hayajakamilika .
Beki huyo ambae alikuwa kwenye mipango ya kusajiliwa na Simba msimu huu, lakini viongozi wa Simba walishindwana bei aliyokuwa anataka Kimenya ambayo ilikuwa ni shilingi milioni 40za Tanzania.

Hazard azungumzia ugomvi wake na Mourinho.

Tangia Jose Mourinho aondoke Chelsea yamekuwa yakisemwa mengi, lakini ugomvi na wachezaji wakubwa wa Chelsea inaelezwa kama moja ya sababu ya Mourinho kuondoka Chelsea.
Kati ya wachezaji ambao inatajwa kama walikuwa na ugomvi na Mourinho ni Eden Hazard ambaye tetesi zinasema msimu wa mwisho wa Mourinho Chelsea waligombana sana na Hazard akawa hamsikilizi.
Baada ya uvumi huo kuenea kwa muda sasa, Hazard ameibuka na kuzungumzia ugomvi wake na Mou ambapo alikanusha na kusisitiza uhusiano wao ulikuwa mzuri sana na anamuheshimu sana kocha huyo.
“Tulikuwa na uhusiano mzuri tuu, kuna msimu nilikuwa mchezaji bora na ikamfanya atarajie makubwa kutoka kwangu msimu unaofuata ila mambo yakawa kombo, lakini nakumbuka uhusiano wangu na yeye ulikuwa mzuri sana” alisema Hazard.
Hazard anasema mahusiano yake na Mourinho yalikuwa mazuri kama ilivyo tu kati yake na kocha wa sasa wa timu hiyo Antonio Conte na kusema hakuwahi kuwa na tofauti yoyote na kocha huyo.
Hazard ambae tetesi zinadai yuko msimu wake wa mwisho Chelsea kabla ya kutimkia Real Madrid amesema Mourinho ni kocha aliyeshinda makombe kabla na baada ya Chelsea na ni lazima aheshimiwe kwa hilo.

Mambo aliyofanikiwa Mbappe hadi sasa kuliko Ronaldo na Messi.

Mbappe, Mbappe, Mbappe ndio kila kona watu wanataja jina hilo na kwakweli amekuwa tishio haswa. Leo tuzidi kuona mabalaa ya bwanamdogo huyu aliyoyafanya kuliko wababe wawili Messi na Ronaldo hadi sasa.
1.Magoli mengi kabla ya miaka 19. Wakati Cristiano Ronaldo anajiunga na Manchester United, kabla hajafikisha miaka 19 alifunga bao moja tuu lakini Lioneil Messi naye kabla kufikisha umri huo alifunga mbao 7, lakini hadi sasa Kylian Mbappe kabla siku ya kutimiza miaka 19 haijafika ameshaweka kambani mabao 13 ikiwa ni zaidi ya Ronaldo na Messi ukiyaweka kwa pamoja wakati wakiwa na umri huo.

2. Aweka historia UEFA. Bao alilofunga dhidi ya Dortmund lilimfanya kuwa mchezaji wa kwanza kufunga mfululizo katika michezo yake minne ya mwanzo katika hatua ya mtoano ya UEFA, sio Messi wala sio Ronaldo aliyewahi kufanya jambo kama hilo.

3. Historia nyingine Uefa. Ni wachezaji 6 tu ndio ambao wamewahi kufunga katika mechi zao nne za mwanzo walizoanzishwa katika UEFA, katika orodha hiyo Messi na Ronaldo hawapo ila jina la Kyllian Mbappe lipoo.

4.Hat trick. Pamoja na kwamba wana magoli mengi lakini Cristiano Ronaldo na Lioneil Messi hawakuwahi kufunga hat trick walipokuwa chini ya miaka 18, lakini Mbappe alifanya hivyo dhidi ya Stade Rennais na Metz na zote hizo alizifunga akiwa hajatimiza miaka 18.
5.Kushoto na kulia yeye sawa tu. Wakati Messi na Ronaldo wana miguu yao ya mauaji, Kylian Mbappe katika mchezo dhidi ya Borussia Dortmund aliweka rekodi ya kuwa mchezaji mdogo zaidi kufunga kwa miguu yoteyote katika champions league.

Beki wa Chelsea aongoza kupiga pasi timilifu

Katika msimu huu wa ligi ya Uingereza manina ya viungo kama Paul Pogba, Ander Herrera, Ngolo Kante na Jordan Henderson wamekuwa wakizungumziwa sana kutokana na uwezo wao wa kupiga pasi.
Lakini takwimu zinaonesha anayeongoza kwa kupiga pasi zilizowafikia walengwa wala sio kiungo bali ni mlinzi, beki wa kulia wa Chelsea Cesar Azpilicueta ndio mchezaji anayeongoza kupiga pasi zilizowafikia walengwa.
Azpilicueta hajapiga pasi nyingi kama Pogba au Henderson lakini pasi zake chache alizopiga ziliwafikia walengwa na kumfanya kukamilisha pasi kwa 87.62%.
Azpilicueta amepiga pasi 2028 lakini kati ya hizo, pasi 1777 ziliwafikia walengwa na hiyo kumfanya kuwa na wastani huo wa 87.62%, huku kiungo wa Liverpool Jordan Henderson akiwa nafasi ya pili.
Henderson hadi sasa amepiga pasi 2057, ikiwa ni pasi nyingi kuliko Azpilicueta lakini katika pasi za Henderson ni pasi 1767 sawa na 85.90% ambazo zimewafikia walengwa.
Paul Pogba naye hadi sasa amepiga pasi nyingi zaidi kuliko Henderson na Azpilicueta ikiwa ni pasi 2070 lakini kati ya pasi hizo za Pogba ni jumla ya pasi 1763 tu zilizowafikia walengwa.
Ngolo Kante yuko nafasi ya nne chini ya Pogba akiwa amepiga pasi chache kuliko Pogba, Kante amepiga pasi 1899 lakini kati ya hizo ni pasi 1686 alizofanikiwa kufikisha kwa walengwa.
Ander Herrera wa Manchester Unite yuko nafasi ya tano ambapo hadi sasa amepiga pasi 1853, kati ya pasi hizo ni pasi 1629 ambazo Herrera alikamilisha.

Ugo Ehiogo afariki dunia, ni nani huyu?

Pengine leo kila mahala unaposoma vyombo vya habari vya kimataifa utakutana na jina la Ugo Ehiogo ambaye amekufa kutokana na shambulio la moyo lililomkuta akiwa kazini na kikosi cha Tottenhma Hotspur chini ya miaka 23.
Ehiogo ana jina la Kinigeria lakini ni mzaliwa wa nchini Uingereza mwaka 1972, alifanikiwa kucheza kwa mafanikio makubwa kama mlinzi wa kati katika vilabu vya Leeds, Aston Villa, Rangers na Sheffield United na timu ya taifa ya Uingereza.
Baada ya kumaliza kucheza soka Ehiogo aliamua kuwa mwalimu wa mpira wa miguu na timu yake ya kwanza kufundisha ilikuwa ni Tottenham Hotspur chini ya miaka 23 na hata shambulio lake la moyo lilimpata asubuhi ya Alhamisi akiwa mazoezini na timu yake.
Siku ya Alhamisi Ehiogo alianguka ghafla mazoezini hapo na kukimbizwa hospitali ambapo taarifa zinasema asubuhi ya Ijumaa alifariki na ameacha mjane aitwaye Gemma na pia mtoto mmoja wa kiume.
Ehiogo ameshawahi kushinda kombe la ligi mwaka 1994 na 1996 akiwa na Aston Villa lakini pia akashinda kombe hilo mwaka 2004 akiwa na Middlesbrough, beki wa zamani wa Manchester United Rio Ferdinand amesema hadi sasa haamini kama Ehiogo ameondoka.

Nusu fainali UEFA ni kisasi cha Madrid, Monaco kinywani mwa Juventus.

Unakumbuka jinsi Simeone alivyofungwa na Real Madrid mara mbili katika fainali za Champions League? Pengine ni kati ya suala ambalo Simeone hataki kulikumbuka kabisa.
Lakini sasa amepewa nafasi ya kulipa kisasi kwani katika droo ya Champions League iliyofanyika mchana huu majirani hao wawili kutoka mji wa Madrid wanakutana katika nusu fainali ya Champions League
Atletico ambao walifika katika hatua hii baada ya kuwaondoa mabingwa wa soka wa nchini Uingereza klabu ya Leicester City wanakutana na Real Madrid ambao nao waliiondosha kwenye michuano hii miamba ya Ujerumani klabu ya Bayern Munich.
Tayari watu wameshaanza kuusubiri mchezo huu kwa hamu kubwa haswa wakikumbuka fainali ya mwaka 2014 na ile ya 2016 ambazo ziliwakutanisha Madrid na Atletico huku zote Madrid wakiibuka kidedea
Nusu fainali nyingine itakuwa kati ya Monaco ambao msimu huu hawashikiki watakaokutana na timu ngumu zaidi kufungika katika mashindano haya ya msimu huu,klabu ya Juventus kutoka nchini Italia.
Monaco wanaingia katika nusu fainali hii wakijiamini kutokana na kuwa na safu ya ushambuliaji kiwembe ambapo Mbappe na Falcao wamekuwa wauaji wa nyavu lakini wakikutana na ukuta mgumu wa Juventus ambao waliwatoa Barcelona katika hatua ya robo fainali.
Nusu fainali ya kwanza itapigwa tarehe 2 na 3 mwezi wa 5, kabla ya michezo ya marudiano itakayopigwa tarehe 9 na 10 ya mwezi huo huo wa tano.

GENK YA SAMATTA YAZIDIWA UJANJA NA CELTA VIGO, YACHAPWA 3-2 EUROPA LEAGUE

Celta Vigo ya Hispania imeanza vizuri hatua ya robo fainali ya Europa League kwa kuichapa KRC Genk ya Ubelgiji kwa mabao 3-2.

Mtanzania Mbwana Samatta alikuwa katika kikosi cha Genk na kuonyesha uwezo wa juu, lakini hakuweza kuisaidia kuimaliza Celta Vigo inayoshiriki La Liga.

Hata hivyo, Genk walicheza vizuri na kuonyesha wana uwezo wa kubadili matokeo katika mechi ya marudiano.

Genk ndiyo walitangulia kufunga bao kupitia kwa Jean Paul Boetius katika dakika ya 10 tu.

Wenyeji Celta Vigo wakacharuka na kupata bao katika dakika ya 15 kupitia Pione Sisto na mshambuliaji wao hatari, Iago Aspas akafunga la pili dakika ya 18.

John Guidetti akaongeza la tatu katika dakika ya 38 na Celta ikaenda mapumziko ikiongoza kwa mabao 3-1.

Katika kipindi cha pili, Genk walikianza kasi na kufanikiwa kupata bao la dakika ya 67 na kuzidi kuufanya mchezo uwe mgumu zaidi.

ANGALIA HII MIOYO YA MASHABIKI WA DORTMUND, HALAFU ANGALIA USHABIKI WA KIJINGA WA YANGA NA SIMBA

USHABIKI wa michezo ni furaha, ukiuendekeza mara nyingi unavuka mipaka kutoka katika furaha na mwisho unakuharibia mambo mengi sana ya muhimu.

Ushabiki wa michezo na hasa soka, umewagombanisha wengi na rafiki na ndugu zao. Umewajengea wengi uadui na wengine, umeanzisha misigano na kutoelewana kwa wengi.

Wapo waliopoteza kazi zao au hata kuingia katika migogoro kwa majirani au familia zao lakini yote yanatokana na migogoro inayotokana na ushabiki wa kupindukia.

Hakika ushabiki haupaswi kuwa wa kupindukia na kufikia kujenga uadui au makundi yanayoeneza chuki na kupoteza kabisa maana ya ushabiki wenyewe.

Labda nikukumbushe Rwanda baada ya kupita katika mauaji ya kimbari mwaka 1994 waliutumia mchezo wa mpira kuwakutanisha wananchi wake, safari hii wakijulikana kama Wanyarwanda na kwa pamoja wakafuta yale mambo ya makabila matatu, Watutsi, Wahutu na Watwa.

Unakuta Mtutsi na Mhutu kwa pamoja wanashabikia APR na Mtusi, Mtwa na Mhutu wanashangilia Rayon. Kwa pamoja wanaungana na taratibu wakaanza kusahau machungu na kuondoa visasi, watu wakasameheana na kuanza kuishi maisha mapya.

Nchi nyingi zimetumia njia hiyo kuhakikisha zinarejea katika mstari sahihi kwa kuwa furaha ya michezo inayojenga ushabiki inaweza kuwa furaha na faida badala ya hasara.

Juzi, mashabiki wa Borussia Dortmund ya Ujerumani walifanya kitu kingine kinachoweza kukumbukwa kwa muda mrefu hasa tunapozungumzia faida ya ushabiki.

Mechi ya Ligi ya Mabingwa Ulaya kati ya Dortmund na AS Monaco ya Ufaransa ilitarajiwa kuchezwa Jumanne mjini Dortmund, Ujerumani. Lakini wakati basi la wachezaji wa wenyeji likiwa njiani, lilishambuliwa na milipuko mitatu, hivyo kusababisha mechi kusogezwa mbele.

Hatua hiyo ilivuruga ratiba ya mashabiki wa AS Monaco ambao walijua wangeondoka usiku baada ya mechi na wengine alfajiri kurejea Ufaransa. Lakini sasa walilazimika kusubiri hadi Jumatano kwa kuwa mechi ilisogezwa ili waondoke Alhamisi. Gharama ikaongezeka kwao na bajeti ikavurugika.

Iliwezekana wangeanza kurejea Jumatano bila kuona mechi kwa kuwa hawakuwa na ujanja. Lakini mashabiki wa Dortmund walitaka wenzao waone mechi yao na walichofanya ni kuzungumza, wakajiunganisha na kuanza kuwaalika.

Karibu kila familia yenye mashabiki wa Dortmund ilialika mashabiki kadhaa wa Monaco ambao bajeti yao ilikuwa imevurugika, wakala nao, wakanywa nao na hata wengine wakalala katika majumba yao.

Juzi Jumatano, mechi ikachezwa na wenyeji wakalala kwa mabao 3-2. Wana deni watakapokwenda Monaco, Ufaransa kuhakikisha wanawashinda wenyeji wao ili wasonge mbele. Lakini mashabiki wao wanaingia kwenye rekodi ya kuwa moja ya mashabiki wa aina yake.

Mashabiki wa Dortmund wameonyesha ushabiki ni zaidi ya furaha kwa timu, badala yake ndani yake kunaweza kuwa na urafiki, undugu na kuthamini au kujali furaha ya mwingine.

Vipi wewe shabiki wa Simba, unampiga yule wa Yanga  bila kosa kwa kuwa tu amevaa nguo za njano kwenye jukwaa la upande wa Simba? Ukimuelekeza na kumueleza si sehemu sahihi kwake, tatizo ni nini?

Ukiingia uwanjani wewe shabiki wa Yanga, ukashangilia kwa juhudi na kufurahi na wenzako bila kumtukana matusi ya nguoni yule wa Simba, hasara yako ni ipi?

Mashabiki wengi hasa wa soka hapa nchini wanataka kuonyesha mchezo wa soka si wa kiungwana, ni mchezo wa kibabe, mchezo wa wahuni au watu wasio na mpangilio. Jambo ambalo si kweli hata kidogo, badala yake ni nguvu ya wapuuzi wachache wenye nguvu inayowapa ruhusa kuonyesha upuuzi wao mbele ya wengine.

Unaweza kufurahia au kusherehekea bila kuumiza wengine, bila kuwabugudhi au kuwadhalilisha. Somo la mashabiki wa Dortmund, linatoa funzo kwa mashabiki wengi wa soka duniani lakini wale wa Yanga na Simba, hili ni lenu na ndio mnahusika hasa, jifunzeni.

RONALDO ASEMA MABAO 100 ULAYA SI MCHEZO, HAKUTEGEMEA

Mshambuliaji nyota wa Real Madrid, Cristiano Ronaldo amesema mabao 100 aliyofunga Ulaya ni jambo ambalo hakulitegemea.

Ronaldo raia wa Ureno, ameweke rekodi kwa kufikisha mabao 100 aliyofunga barani Ulaya.

“Si  jambo dogo, si jambo rahisi. Sikuwahi kutarajia hili kwamba siku moja nitafikisha mabao 100,” alisema.

Ronaldo alisema ameshangazwa pia kusikia kwamba kuna ambao walikuwa na hofu kuhusiana na uwezo wake wa kufunga mabao kwa kuwa umri wake sasa ni zaidi ya miaka 30.

STAA CHIRWA AWAZIMIA SIMU VIGOGO WA YANGA, WAHAHA KUMPATA

 

Pamoja na juhudi za vigogo wa Klabu ya Yanga kumshawishi mshambuliaji wao, Obrey Chirwa raia wa Zambia kuungana na wenzake kuelekea nchini Algeria kuwavaa MC Alger ya nchini humo, taarifa kutoka ndani ya viongozi hao ni kuwa mshambuliaji huyo hakupatikana hewani baada ya kufunga simu zake zote.

Chirwa aliyejiunga na Yanga mwanzoni mwa msimu huu akitokea FC Platinum ya Zimbambwe, aligoma kuungana na wenzake kwa ajili ya safari hiyo kwenye mchezo wa marudiano wa Kombe la Shirikisho Afrika dhidi ya MC Alger kwa kile kinachodaiwa kutokulipwa kwa mishahara yake ya miezi mitatu.

Habari za uhakika ni kuwa baada ya Chirwa kugoma ndipo jina lake likaondolewa katika orodha ya waliotakiwa kusafiri kwenda Algeria, jana jioni.

“Jana (juzi) kuna vigogo wa Yanga ambao sitapenda kuwataja majina yao walikuwa wakimtafuta Chirwa ili kumshawishi aungane na wenzake katika safari lakini simu zake zote za mkononi zilikuwa hazipatikani,” kilisema chanzo na kuendelea:

“Kuna waziri alinipigia simu akiniulizia ishu hiyo nikamueleza mimi ninavyojua, hivyo akaniomba nimtafute Chirwa ili aweze kuzungumza naye ikiwezekana aungane na wenzake ila imeshindikana maana nilimpigia Chirwa sikumpata, nilipoenda nyumbani anapoishi sikumkuta.”

Alipotafutwa Katibu Mkuu wa Yanga, Charles Mkwasa, alisema: “Chirwa hajaungana na wenzake kwa kuwa ana matatizo yake ya kifamilia.” 

MKEMI ASEMA BADALA YA SERENGETI KUWA "GABON HADI KOMBE LA DUNIA", ITAGEUKA NA KUWA "GABON HADI NYUMBANI TANZANIA"!!

MKEMI AKIZUNGUMZA NA WAANDISHI WA HABARI, LEO.

Uongozi wa Yanga umesema hautaenda mahakamani kupinga Simba kupewa pointi tatu.

Simba imeshinda rufaa yake dhidi ya Kagera Sugar na kupata pointi tatu na mabao matatu ikiwa ni baada ya kubainika beki Mohamed Fakhi alicheza mechi dhidi ya Simba akiwa na kadi tatu za njano.

Mjumbe wa Kamati ya Utendaji ya Yanga, Salum Mkemi amesema kama kuna wanachama wanataka kwenda mahakamani, wao hawatakuwa na uwezo wa kuwazuia huku akisisitiza Tanzania ikifungiwa, Serengeti Boys itang’olewa kushiriki michuano ya Kombe la Mataifa Afrika na ile kauli mbio ya Gabon mpaka Kombe la Dunia itageuka na kuwa “Gabon hadi Nyumbani Tanzania”.

“Wakiendelea hivi itakuwa ni Gabon hadi Nyumbani, haitakuwa Kombe la Dunia tena.

”Watu wana hasira zao, sisi viongozi tunaweza tusijue kinachoendelea. Kagera ni timu ndogo, wanaonewa, hawatendewi haki. Sasa sisi tumeinunua hii kesi.

“Ajabu kabisa, waamuzi wameitwa wawili tu na wengine hawakuitwa. Hii si sawa, kuna jambo hapa,” alihoji Mkem